好野...!!好野...!!
返埋今日..就可以放假o勒..!!真開心呀..!!!
今日大致上都係咁啦..因為臨近放假..攪到個人個心都飛左去第二樹呀..!!所以都無咩心做野啦...!!!好啦..尤有咩都唔好做啦....!!!yeah...
哈..各位..我好叻呀..!!我自己整左個guestbook啦..!!!所以唔該..各位大人大姐...阿哥....阿姐..先生..小姐...!!!幫我留個言呀...!!!雖然..呢個guestbook好似有好多字出唔到..但原來post左之後..出到架...!!!放心用啦...
多謝..
但係..我有幾日無電腦用啦...!!!唔該哂阿.."世紀xo"啦..!!!多謝佢啦...!!!辛苦哂佢啦...!!!唉...無啦..!!比佢一爆..真係..咩都無哂啦..又要整啦...!!!!(激氣~~~)
另一段新文章..!!!
簡單既愛情
我地成日都話唔好將我地既人生由簡單變得太複雜......!!!
複雜左......要處理既方法亦都複雜左......!!感情同樣都係一樣......!!
"簡單"係檢驗愛情品質一個好客觀既標準...要令愛情簡單...!!
最好既方法就係揀"適合既對象"......!!!
一個真正值得你去愛......懂得愛你既人......自然會令到愛情變得簡單...!!
你唔需要猜測佢既心意...!!擔心佢既行縱...!!
唔駛害怕或者唔知幾時講一句說話會激嬲佢....!!!
唔駛猜疑佢做任何事情既動機...!!
你地之間...有一D牽掛......但係唔會到達紏纏既地步....!!
你地之間....有一D思念....但係唔會到傷心欲絕既地步...!!!
你地之間有一D既依靠...但係就唔會到到呢.."你唔照我意思做呢我就死比你睇!!"
呢d更難堪既局面...!!!
簡單既愛情...好似品質最好既化妝保養品...成份自然...效果精緻...!!
佢比你養份...比你美麗...!!!
但佢唔會比你覺得麻煩...唔會將你既生活攪到一團糟...!!
簡單係檢驗愛情品質一個好客觀既標準...!!!凡係令你覺得複雜...艱難既愛情...!!
無論係邊個...條件有幾好....你有幾鍾意...都唔適合"天長地久"咁樣對落去...!!!
愛情唔係一件"倦"既事黎....!!愛情係一件"簡單"既事....!!!
愛得簡單..無負擔..咁先至係"快樂既感情"...!!!
我的日本姓名.....!!
哈..各位.各位..小鴨B個日本名...叫做...
秋本 Akimoto (autumn book) 久美子 Kumiko (eternal beautiful child) ..!!
請大家多多指教..!!
今日..響電台聽到一段文章...內容都幾有意思...!!!
愛人係一種習慣
你習慣響係"佢"既呵護..!!習慣響"佢"既溫柔…!!習慣"佢"既洮氣..!!習慣"佢"既笑容..!!
係不知不覺…中習慣用"佢"既方式微笑….用〝佢〞既方式溫柔 ...!!!
你地彼此互相依賴…依賴住呢種…好開心既習慣…!!
每日固定咁習慣響特定既時間..聽到電話響…你用最溫柔既聲..等待"佢"既回應…!!
當聽到對方唔係佢既時候…你總會有少少既失望….!!
因為你好依賴果種好開心既習慣..!!
然後有一日…你地分手啦…!!
難過…傷心…失望…唔捨得…!!!但係重有一樣依賴果個習慣…但你係必須捨棄呢種習慣既權利….!!
你再唔會有權習慣"佢"既…. 呵護…溫柔…洮氣…同埋笑容….!!
於是..你有左新既習慣….!!
開始習慣..唸起"佢"既時候…流住眼淚…唸返以前既記憶…!!
開始習慣每日訓之前唔再聽到佢既聲音啦…!!
開始習慣響每日日落之前…企響窗口到睇住果個夕陽….再講唔出任何說話….!!
直到唔之幾耐之後…你好忙…!!!每日既大鐘..響到敲響…!!!繼續做野.. 繼續做野..!!!.
忙到都已經唔記得哂呢d習慣啦…!!
你唔再習慣流淚….!!唔再習慣響窗口望住夕陽繁開…!!
你突然間唸返…好耐都無唸起”佢”啦..!!甚至…有d已經模糊既印象….!!
佢個樣係點既呢…!!似乎果個笑容幾好睇既…!!不過…都好模糊啦…!!
逝去既愛情終於唔再有遺憾…!!
我地害怕失去愛情….可能只係害怕失去一個人果種習慣…!!
我地並唔係真係失去一個習慣…而係有時都要試下習慣…..!!
無左呢d習慣…!! 咁…亦都算係一種"習慣"….!!!
話唔定…唔知幾時之後…!!
果個人個樣…!!果個人個名…!!又再響你心中浮現….又再想起….!!
好多年之前…果個舊既習慣…果個..每一晚響臨訓之前..一定聽既聲音…..!!
今日..活響兩個不同既地方…..好似..成為兩個毫不相關係既…."陌生人"…!!!
奇聞呀..!!
真係估都估唔到..!!!呢個係咩世界呀..!!!要人地返黎公司做野..可以出個咁無人道既價錢...!!!大佬..你地自己..一日都"洗"呢個價啦..!!!重話"誠意"請人返黎..!!唔係呱..唔好玩啦..!!我心目中..你地出手係低..但連我自己聽到..都真係..十秒都做唔到咩反應..!!已經要跟我地公司既無人道規條..重要出d咁既價..真係變相.."減價"..!!!好心啦..!!!重要話人地點解要講錢...大佬..同你地好熟...!!打工仔..唔講金..你地唔好天真到真係同你地講心啦..!!!發花癲咩..!!訓醒未呀...唔好發夢啦...!!!所以..."軟綿綿"..我支持你...堅持到底...!!!yeah~~~~~
今日阿"養陰丸"send左野比我睇..!!嘩..!!!嚇鬼死人呀...!!我真係無唸過會係咁架..!!
墨魚捕食鯊魚
小測驗..!!
今日..大致上都係無咩啦..!!!只係..忙住要入到哂d學校資料..(因為已經放低左好耐啦..!!)!!又要攪掂哂出書既地址喎..!!!果部咁既老爺printer..每print一次地址..起碼都要一日啦..!!
琴日..玩左個心理測驗...題目係.." 其實你真的愛他嗎？"
呢個小測驗..我同"型仔"都玩過..但係我就唔係..在乎得出黎既分數..而係..當中既答案..!!!(嘻~~嘻~~)咁當然..我亦都唔係有心去睇"型仔"既答案啦...(咁唔覺意都睇到少少啦..!!)!!有意外架..因為我以為佢會選擇呢個答案啦..但原來..哈.!!有時都幾傻...唔知呢..!!
以下係果個小測驗..如果有興趣就玩下啦..!!!哈~~
其實你真的愛他嗎？
小時候..!!!
哈..今日..無端端睇到一段文章...內容係講細路仔既時候..大家常做既野..都幾攪笑架..!!!唔知道大家做過幾多樣野呢..!!!
1.玩米缸，將手插入米缸裡面o既米裡面篤下篤下。
2.在百貨公司入面篤扶手電梯旁的吊牌。
3.地下有階磚時，特登隔一格一格o黎行(不可踩界，要完全在格內)。
4.用錶面反射陽光，照o黎照去。
5.跳樓梯(愈多級愈勁)。
6.行路上高起左地方(例如高起左o既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出o黎。
8.食完瑞士糖之後，將糖紙包番個原本四四方方果個形出o黎。
9.超級市場踩住架購物車o黎行。
10.踩水"tum"，係好特登果隻。
11.吹口水波。
12.搣牆上的乳膠漆或牆紙。
13.係平滑o既地面上面"冼"下"冼"下咁行。
14.整濕o的紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇 轉轉下，轉得怏個時飛出o黎，睇下個粉刷中邊個。
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮o的同學
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射
23.掉人地門口的拖鞋落街。
24."蚊"消防喉，射水落下面個球場，睇下射到幾遠。
25.擇水彈。
26.用氣鎗射街上的途人。
27.玩千揪，"fing"到咁上下就飛出去鬥遠。
28.落樓梯時坐係o的扶手上面"sir"落黎。
29.在自動梯行相反方向。
30.把"誤投信件"或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，"捐"地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放紙飛機或者放紙青蜒，看看誰放的紙青蜒最慢由廿幾樓落到地面。
39.煲蠟。
40.把汽水罐靜雞雞放在校車的車輪下攝住，開車時把它壓扁。
41.圍閹
42.呵尿時出力射走 D 屎積
43.將紙碎或者紙飛機撒落街
44.將bubble紙氣泡逐粒"鏈"爆
45.o係屋企走廊玩"壁虎功\"
46.走到開動緊電風扇面前:"呀~~~~~~~~!"
47.用間尺好似 "搖搖板"咁彈起舊擦膠
48.寶貼當泥膠,用間尺整pizza
49.係屋企撩鼻屎然後抿落牆
50.將 d 擦膠碎 用尺切粒粒
51.膠水搽係手/筆盒上 , 等佢乾之後成塊 met 出黎 ~
52.洗手時用手頂住個出水位,用d水去射周圍d人
53.同隔離位鬥快開哂筆盒d機關
54.飛拖鞋
55.特登將飲完的紙包飲品吹脹然後放在地上，大力地踩爆佢
56.用泥膠塞電制/電話插蘇
57.吹漲紙袋,然後用手整爆o黎嚇人
58.當有人一坐低,就吹手臂扮放屁聲
59.捉金龜子養
60.摘大紅花,然後"絕"花蜜
61.係米缸度捉"谷牛"
62.拆晒d Lego,然後鬥快砌返好佢,仲要係唔睇menu個隻
63.玩孖寶兄弟時,搾住個控制器同主角同步一齊"肉",尤其要跳好遠時。
不過..唸返起..都會覺得好好笑..好低能..!!!唔知..你地又點唸呢..!!
颱風呀..!!
呢幾日都好忙..所以連日記..都無寫成個禮拜...!!!呢幾日..又要返學..又要做功課...又要趕住做"織女"..!!真係..忙死人啦..!!以家我織緊前幅既"扭繩花"啦..希望今次織得好d啦..!!!
而公司呢....近月尾就會忙架啦....係咁架啦..!!!
至於..呢幾日有咩特別事...!!!都係.."軟綿綿"會回巢啦..!!其實..有好..又有唔好架..!!!站在自己黎講..梗係好啦..又多個人同我癲..同我玩..!!!但係站響"舊同事"既立場..又真係唔好啦..!!!響到做過既人都知道..呢到無野好.."人工少..工作多"..!!連一d唔關你事既都要做埋...!!一間公司四個老細..各人有各人意見...!!唔會一致....重要睇下你埋邊一邊堆..!!咁你就好o勒..!!最好唔好逆佢地意喎..唔係呀..分分鐘都會由九樓掟返你落街呀..!!唉..算啦..星期一就會知道..啦.!!
今日..三號颱風呀..!!雖然我知道..都唔掛更高既風球..!!但聽日會"天氣惡劣..狂風大雨"...!!唔知聽日可唔可以見到"型仔"呢..!!如果唔係..又要等多個禮拜啦...!!!
(嗚~~)
返工啦..!!
極到慘情呀...!!!今朝一起身就落雨...又行雷..!!今日無運啦...!!點知一返工咋..!!成公司都變得好...靜..!!!"魔鬼"好黑..!!"雞包仔"就重黑..!!!嘩..行慢D呀..都會比雷打中呀..!!!驚~~!!鬼咩..又攪果份..咩"大陸業務員守則"啦..!!!煩~~
到左晏晝.."黑椒"又比D難題我做啦..!!!無拿拿..又話要睇下點整D書既訂閱..攪咩六期訂閱喎...!!唔好玩啦..!!!個訂閱價已經好低架啦..!!重要攪...真係想連唯一果幾個訂閱都無咩..!!唉...
連放工都要整埋D菲林先可以收工..唉..咁住..咁晏..都會搭到車返屋企啦..!!撞鬼~~等左成粒鐘呀..!!真係腳仔都軟埋呀..!!
唉..算啦..!!聽日又返學啦...!!!好緊張呀..!!YEAH....
行街街..!!
今日我成十點幾先起身..!!之後就同左"小寶寶"去旺角...!!我本來就唸住去整埋件"冷衫"架..!!點知..有d錯漏啦..!!!所以呢..要返屋企再整o勒..!!之後就去左"九龍塘"夠"小寶寶"去買飲衫啦..!!鬼咩..."高佬"個家姐要結婚啦..!!咁佢咪要買衫去飲羅..!!!煩死呀...!!平日既"小寶寶"成日都係著T-SHIRT..波鞋...成個男仔咁..!!!無拿拿要佢變成"淑女"喎..!!唔知點解..我唸到"IQ博士"既"千平先生"呀..!!哈..哈..!!都好彩..最後都買到佢想要既野...!!都好D...咁之後..我地行到七點就走O勒..!!之後..返屋企..食飯羅..!!!
中秋佳節..!!
今日係..中秋節正日啦..!!!我今日呢就去左"型仔"屋企食做節飯...!!!晏畫同"jan jan"同埋"姑時二嫂"一齊去買"食送"跟住就返屋企o勒..!!之後都係等埋其他人啦..!!食完飯之後..都係睇佢地"打四方城"..!!之後..aunt拜完"月光伯伯"之後..我地就開如食月餅呀..水果呀..等..!!都係咁啦..!!
今日我就自己搭車返屋企..因為"型仔"第日要返工嗎..!!所以咪自己搭車走羅..!!!重估返到官塘要搭"的"架..!!點知..哈..又比我搭到架車去將軍澳...之後又比我發現重有返"清水灣"既車喎..!!哈..哈..抵哂..!!!
多謝呀..!!!"型仔"..!!
迎月..!!
今日係中秋佳節前夕..!!" 迎月"日...!!!但好可惜..係無假放..連半日都無得放..!!!慘~~
呢兩日..城中熱門話題..咪就係我地大陸公司羅..!!次次叫佢地唔好下下都自把自為...永遠都係.."你有你自由..理得你感受"..!!所以攪到以家"雞包仔"好似發哂癲咁...鬧到"魔鬼"死羅..!!重要將咩守則..全部改哂..!!!唔得你死..!!哈~~~
今晚..佢地就返哂"常平"到玩..而我就當然係陪我至愛"型仔"啦...!!其實都唔知係佢陪我呀..定我陪佢..!!!我就黎左佢到食飯..今晚佢就陪我返屋企.."賞月"呀..!!開心啦..!!
anyway...點都好...!!希望有情人就"人月兩團圓"!!無既..都可以"人肉肥團團'啦..!!!哈...yeah...
雨後陽光..!!
經過一晚之後..我地又無事啦...!!!原來大家都係一場誤會...!!!哈..哈..!!算啦..反正一對情侶..都係有少少呢d火花..唔係邊樹有情趣呀..(不過..我真係嬲架..)!!!yeah...
"型仔"話佢琴晚睇左醫生啦..!!係睇腰骨..!!醫生話佢條腰既軟骨移位就壓住d神經線呀..!!!慘啦..慘啦..無得醫啦..!!醫生話..得閑就大力d打下..咁會好d喎...(呢樣..哈..哈..我強行呀..!!)!!!
今日都係咁啦...!!!唔係太忙...!!而"雞包仔"同"朱媽媽"返左黎啦..!!係喎..我都無講過佢地去左邊添..!!前兩日..佢地去左"東莞"..做展覽會嗎..!!今日就"阿sa"上去做接班..!!所以"朱媽媽"咪有得返黎羅...!!!
琴晚返完shipping之後..!!今晚就上粘土o勒..!!唔知點呢...好緊張呀..!!
今晚..上完堂之後.."型仔"打比我呀..!!佢好唔開心..因為有日有意外..撞親人地大廈(實際我聽得唔係好清楚)....!!以家要睇下倍幾多啦..!!唉..之後..就係佢公司d"人際關係"啦..!!我真係估唔到..佢都成公司都係男人啦..咁都會有d咁既"八婆野"..玩分化..玩無中生有..玩佻勃離間...!!所以佢好唔開心啦..!!但我都唔知道..點樣去安慰佢..!!!或者..我公司..都有咁既人啦..!!我都好似習以為常...!!所以..唉..算啦..!!
如果..你真係..做得咁唔開心..走啦..!!
"女人仔"的煩惱..!!
今朝早.."女人仔"就打電話比我..!!我都心知不妙架啦..以佢份人點會倒屎咁早搵我呀..一定有唔開心既..!!哈..佢講左一大輪"好激氣呀..好激氣呀...真係激死人啦...!!"之後..佢就話.."今晚講啦..!!(流汗~~)"..!!唉..都唔知佢攪咩..不過..我直覺佢..唔會今晚先講.!!點知知..真係..食晏佢就打比我..話比我知佢咩事..!!原來..
琴晚佢男朋友(化名"阿祖")..就響天台見到有氣天線..飛飛下咁(因為村屋既天台有好多不知名既無用天線而係無人折既)..!!咁佢就好心折左..重將個"屍體"棄置埋去垃圾站..!!隔左一陣..樓下有個女仔就上黎話個電視機睇唔到..咁"女人仔"都心知不妙架啦..!!佢當然係大興問罪"阿祖"啦..!!而重頭戲就響後段o勒..!!到樓下個女仔再上黎..想了解下同睇清楚條天線既問題...就響佢間"新居"發生左意外o勒..!!當個女仔響佢地屋企既時候..佢班小朋友就乘機起哄啦..嘈啦..!!三隻狗圍一個女仔..又唔知係咪個女仔整到疑犯一號(比熊犬)..呀..!!定點..總之..."比熊太"就咬左個女仔一下..!!傷勢就普通啦..好似"產"左少少皮啦..!!!咁個女仔又好似無咩咁..睇完條天線之後..就返落去啦喎..!!!咁"女人仔"當其時..已經..心煩意亂..一團煙由佢個身到升出黎啦...!!數分鐘之後..個女仔話到去一去急症室..打針(咁其實都係想做過預防o者)..咁可能要報警!!(因為睇急症係要既)..!!嘩.."女人仔"聽完之後....條氣當堂頂到上心口啦..!!呢一晚..佢無同過"阿祖"講過任何野..!!!淨係比左一種叫"面色"同"玄壇"既面口比佢睇...!!其實..點解"女人仔"會咁嬲..都可以理解..咁唔好意思就一定有啦..!!佢又唸住..o岩o岩搬黎..做咩要攪咁多野..如果唔係"阿祖"折條天線..個女仔唔會上黎.."比熊犬"就唔會咬到佢..佢就唔駛去睇急症..!!!但其實..我聽既..就覺得..唔係咩咁大件事o者...!!
聽完個古仔..亦都安慰左佢一輪...(攪到又要call大飛..又要call律師..咁...哈~~)!!!佢重話唔夠..佢話要講到個心平靜為止..(嘩..好似果d咒語e-mail咁呀..好變態呀~~)..咁我最後都約左佢響將軍澳食飯..要安撫下啦..!!
放左工之後.."阿sa"同"阿嬌"又話去..將軍澳食..!!原來佢地就約左"軟綿綿"..!!!咁所以我早走少少..最後就約埋一齊食啦...!!而佢個古仔亦都好峰迴路轉...到左今日...佢樓下果個女仔..羅條新天線上黎..咁佢地都話好啦..幫佢地裝返啦..!!點知..晏d個女仔既細佬就上黎話.."唔好意思呀..原來你折果條天線唔係我地架..!!"阿祖"就當然..心心不憤啦..又唔攪清楚..最慘就係..無拿拿比個"玄壇""壇"左成晚!!
都唔知點講...總之..真係峰迴路轉...!!
而響食飯之前..又等緊"twins"之際..!!!咁阿"女人仔"就係咁教"軟綿綿"..."搵工要缺"..同埋"面試秘笈"..!!等佢出去搵都唔駛咁"蒙"呀..(咁講佢講出黎個價..連我都有d鄙視佢呀..!!)!!
而今晚呢..食完飯..返到屋企都成..十一點幾..沖完涼..又有miss call啦..!!原來係"阿ken"..佢話比我知..星期三唔得啦.因為太忙..!!咁最後呢..就暫約廿六號見啦..!!
又有新作品...開工啦..!!
今日放左工之後..我就上去左"肥仔漫畫屋"到..一來係羅我d作品"月餅"比佢食啦..二來係..同"小寶寶"羅漫畫o者..!!!但上到去..真係令我唔知點留多陣呀..!!!因為佢響到教緊個朋友既細佬計數...!!大家唔好誤會..個細佬好細呀..!!佢已經成廿幾歲人架啦...!!但佢智商係有問題...所以先咁o者..!!所以我地先唔好意思留響到咁耐..!!
咁之後..我就同左"小寶寶"去冷舖啦..!!我呢就係開工織冷衫比"型仔"啦..!!今次我係織長袖冷衫比佢..今次呢間冷舖既師父(係一個上海女人)好好人架..!!唔同上一次果間d人架(佢地會鬧人架)>>!!師父幫我計左針..長度..!!咁就坐響到開始o勒..!!至於"小寶寶"呢..!!佢就受唔住我既誘惑...忍唔住都買左冷..織o勒..!!不過咁..佢今次呢件呢..就唔係趕既..都好d..如果唔係呀..睇怕佢以家織..出年年尾先起到貨啦..!!而我就希望織好d靚d啦...(因為上次果件都唔好..!!)!!!重有喎..今次呢件重係要扭花架..!!所以好鬼死緊張呀...!!!不過..我會努力架啦...!!!
南丫島一日遊..!!
今日我同"型仔"去左南丫島到行...!!約左十一點鐘響中環等...然之後..就去左麥記到食...午餐..!!!之後..咪去搭船羅...原來有兩邊船搭架..一面呢就去索罟灣..一面呢就去榕樹灣.....!!咁我地咪去左索罟灣果邊先羅..!!!嘩..一上船就訓左啦.!!!都唔知係咪個麥記D野食有安眠葯呢...(哈~~哈~~)!!
落左船之後..就開始去行下D大街小巷啦..!!唔..點講呢..雖然唔係太多野睇..或者特色野..但就好多鬼佬開既餐廳...咁我地就跟埋D人一齊行..就去左"洪聖爺灣"果到呢..就唔係好多人..但都好舒服架..!!而果到重有個小農場..不過唔係種D咩菜呀..瓜呀..咁..而係種香葉呀..檸檬呀..柑呀..咁啦..!!!本來都唸住行過去"榕樹灣"架..!!但最衰我就係..腳痛..所以唔行得啦(因為"型仔"叫我唔好行羅..!!)..所以行完個小農場之後..我地就回航啦..!!響回航既時候..我離遠見到有一D好大既橙色波啦..!!咁我以為果個小農場唔通所會重D超大型既南瓜(好似深圳果D大南瓜咁)..!!
咁我咪好大聲咁話"嘩..大南瓜呀..!!"
咁型仔.."R"哂頭咁話.."無呀..邊到呀..??"
我咪話羅.."呢..呢..果到呀..!!"(直指農場果邊)
到呀."型仔"望完之後..就
咁話.."聽講呢個係..沙灘D浮波喎..!!咩南瓜呀..!!"(跟住就係咁笑~~~~~)
另外一樣特別既咪.."貓"羅..!!好多舖頭都有一..兩隻貓響到行黎行去..但D貓都唔怕人既..你點攪佢地..佢地都會無動於終...!!!我入到一間舖頭啦..果到有隻黑白貓架...!!佢好跟人架..我一入到去..就拿拿聲咁走埋黎..!!但"型仔"叫佢呢...哈..隻貓就避左佢呀..!!哈..佢都係同貓無緣架啦..!!!沿路行..見到個街邊婆婆賣紙蓮花既掛牆飾物..都好靚架..咁就買左一個比aunt o勒..!!之後..又見到街邊舖賣"手繩"..!!咁我又買左條比"型仔"..!!唔..之後..就搭船走啦..!!
返到中環..先先就去左ifc到買左生日禮物先..!!!然之後..呢就搭車返屋企..!!其實點解會返屋企先呢..一來..就休息下先啦..!!二來係擺低份禮第比"雞包仔"嗎..!!攪到好似好鬼鼠咁..但無法啦..佢又唔鐘意眾目睽睽咁收禮物既..!!佢就不嬲都係咁架啦..口就話唔駛..但唔送呢..又會記響心裡面..!!煩~~
咁之後..七點零鐘..就又搭返車出去...官塘食飯o勒..!!
而點解今晚會一齊出去食飯呢..!!一來呢..就想中秋節飯啦..二來..因為今日係.."雞包仔"舊曆生日嗎..!!
食完飯..返到屋企..就開始整我d冰皮月餅啦..!!整整下.."阿D"就話比我知有個叫"阿KEN"既男仔打比我喎..!!!又留埋電話..!!我就唸佢係邊個..!!我記得啦佢應該係"何先生"..佢係我F.4既同學仔..亦都係我EX..EX B/F..!!咁之後..我就打返比佢啦..!!!講下大家近況...工作如何呀...!!原來佢響社會福利處到做..本來就係負責帶D人出去做野既..以家就轉返做文職..!!同佢傾左一陣..咁大家就訓啦..!!重約左下星期去飲野添..!!^O^
行街街..!!
今日好野啦...放半日呀..!!!不過..我就無啦..!!因為"阿moon"今日搬啦..!!所以要等佢地搬走哂d野我先有得走...!!!(嗚~~~嗚~~)佢地終於都攪到成..兩點鐘先走..!!!而今日呢.."軟綿綿"都上左公司呀..!!因為出耀嗎..!!!好野..!!
跟住我就去左銅鑼灣..同"阿神"去街...!!!咁其實呢..我係要去"砌圖老闆娘"到換砌圖..!!!嘩..咁樣都攪左成個鐘先走呀..!!!因為佢果到實在太多人啦..!!"砌圖老闆娘"個伙記..就衰d...!!鬼咩..間舖已經唔係大架啦..!!!對d客又無禮貌...!!!激到"砌圖老闆娘"死死下呀..!!!之後..我地又去左time square呀..!!好呀..又可以行街..又可以揀下買咩比"雞包仔"做生日禮物...!!但我都重係買唔到呀..!!!都唔知點好..咁為..聽日同"型仔"去揀..啦..!!
又整野啦..!!
今日放左工之後..梗係攪d清潔野啦..!!公司咁多日都無抹地..!!!就當然拿拿聲抹下啦..!!費事比人話啦..!!!之後..我就去左旺角...同"小寶寶"去街..!!!其實..我心目中係有d野想野既..!!!因為我又想去買冷..織件冷衫比阿"型仔"嗎..!!!行完..太子..再落旺角..最後..我就揀左一個款..之後..就當然買冷啦..!!幾好..重有人教埋添..!!!yeah...
之後..就同"小寶寶"食野啦..!!!開心呀..!!!食左個"墨魚河"..!!!飽死人啦..!!!咁我咪又搭車返屋企羅..!!又要拿拿聲包"月餅"啦..!!今次我就整"紅豆餡"..!!!好味..!!唔知今次.."jan jan"同"型仔"又覺得好唔好食呢..!!!又要努力..織野啦..!!!^o^
"女人仔"新居..!!
今日..我又"吞POP"啦..!!咁"吞"之餘都有工事做架..!!!我同"寶蓮燈"去左油麻地買野呀..!!!買咩..咪又係關於冰皮月餅既野羅..!!!不過今日..我就買左"現成"既紅豆餡..因為想整下"紅豆冰皮"嗎..!!YEAH..而我又買多左一個印仔呀..!!!好靚架..!!!YEAH..YEAH..
返到公司食完晏..!!咪走去"阿MOON"到問佢地羅鎖匙羅..!!唉..因為以家既情況..唔係我去問..重有邊個去問呀..!!!攪到咁彊..!!不過..好彩..佢地都好客氣..!!!阿"雞包仔"重要我星期六睇住佢地搬野添呀..!!樣衰啦..!!其實..佢地重有咩可以搬呀..!!成個單位.大部份既野都係你地..!!唔通佢會折左個單位走咩..!!點睇喎..大家又咁熟..不過好彩.."阿MOON"佢地都無咩難為我..!!!或者.佢地覺得都唔關我事啦..!!!
放工之後..好鬼死忙呀..!!!重好急添呀..!!因為"軟綿綿"黎我屋企..所以佢響將軍澳車站到等我!!!而點解佢會黎..其實佢黎羅月餅..(可能佢掛住我呀~~哈哈~~)!!之後..就整左個"朱古力蛋糕"..!!個賣相都好好呀..!!跟住..佢就同我一齊去車站..佢就搭VAN仔..我就搭巴士..!!去到大埔仔..再JOINT埋"女人仔"一齊上去佢個新居啦..!!嘩..入去果條路呀..九曲十三彎..我都驚我會盪失路呀..!!上到佢屋企..感覺上比以前好似大左..同埋光猛左咁..可能返新過啦..而佢個房就好似..同以前差唔多..但有樣好..起碼有個露台仔..個天台係連響屋裡面..!!!但唯一無變既..就係佢D狗...一樣係咁嘈...!!!重係好嘈...!!不過..佢話我知..有d地方會漏水..!!!咁響佢到食完野之後..咪坐下..傾下計..!!!到左十點零到..我就走o勒..!!不過..由佢到返去我屋企..都係用左三個字咋..!!都算快架啦..!!
返到去..我第一時間緊係整左個"冰皮"先啦..!!跟住咪開電腦羅..!!唉..大獲啦..!!隻"XO"都唔知攪過D咩黎..!!總之成日都彈句野出黎..!!話個USB唔得..!!!死啦..!!我當然係打電話..向"養陰丸"求助啦..!!佢重幫我遙距咁整..但可惜..情況都係一樣...!!!完全無改善過...!!!以家無啦..我係得用紅外線啦..!!無得upload相啦..!!!咩都無得整啦..!!所以無得post"冰皮月餅"d相啦..!!安樂啦..!!佢黎五日..屋企既冷氣..電腦..都無啦..壞哂o勒..!!
好野..一切都平靜啦...!!!!
今日有個好特別...既消息..!!無拿拿.."極品xo"自己話要走呀...!!佢返返去佢個山頂啦..!!!開心到我地死呀..!!!今晚都唔知點去慶祝架..!!!其實呢..我今日都做左d衰野架..!!!我將"阿sa"間房既冷氣制"蚊"左..!!又將上網個制閂埋..(咁當然呢d野佢係唔會發現架啦..!!)!!咁之後呢..佢今朝就無拿拿打比"雞包仔"話佢要走o勒..!!!不過..大家唔好誤會呀..!!佢話比"雞包仔"聽.."哎呀..我覺得呢.."魔鬼"好似唔係好鐘意我咁..呢..個冷氣呀..唔係我整壞架..!!!其實呢..我又覺得好似好打攪你地咁..!!"..(刪下一萬字)..!!其實又係呀..琴晚阿"魔鬼"又真係唔啋佢..亦都成晚黑哂塊面呀..!!
不過..佢走之前..都要整個"臨別秋波"..!!!好地地..就將個電腦攪到開都開唔到..!!!唉...算啦..!!我都同佢講..呢D少事啦...我自己返黎會攪..(其實都係"feel屎"既問題之嘛)!!佢都重係..咁纏住..又話要留多晚..又話要搵師父..!!!唉..攪到我咪返屋企睇下佢羅..(唸住~~)!!點知..去到車站...佢又打黎O勒...!!!話比我知..佢整返好啦..!!無哂事啦..!!!原來係個拖板..既問題..!!!
好啦..我地自由啦....!!!一切都回復以前一樣啦...!!!我地唔駛"有家歸不得"啦..!!!yeah...
惡夢..繼續黎..??
今日.."阿sa"同"阿嬌"去印度啦...!!!佢地要去到星期日先返喎..!!!拜拜啦..!!!留低我一個對住"xo"..!!唉..激氣啦...!!!
"魔鬼"已經下令..嚴禁佢再響屋企開冷氣啦..!!!以家..|"xo"係我地屋企..攪到個個"人心惶惶"..!!!唉..天呀...佢幾時走呀..!!!
放工返到屋企...因為"淋"左半個鐘雨..所以咪..沖個涼先羅..!!!之後.我去"阿sa"間房..(以..咁涼既)..!!原來.."xo"開著房既冷氣..然之後...就走左去沖涼..!!咁即係話..個廳唔開得..就走去房開..!!嘩..好叻呀..!!!真係神不知鬼不覺呀..(好勁)!!"雞包仔"話唔好講比"魔鬼"聽呀..!!!費事"魔鬼"鏟佢喎..!!因為呢排.."魔鬼"對"XO"既態度..已經.."十問九唔應"啦..!!
至於我屋企"阿D"就慘啦..!!鬼咩...佢今日應該去"老太"到幫手...!!點知阿"XO"就叫住佢..話一齊出去..!!點知..就由一點..等到三點..!!重要叫"阿D"煮埋野食先好出去..!!!最後..就當然無去到"老太"到啦(又做多日咸魚啦..!!)..!!攪到"阿D"好唔開心呀...!!
原來..XO個老公講得O岩..!!!係唔可以同佢去旅行..架!!!自由行..訓到十一點幾..化妝兩個鐘...食早加午餐一個鐘...出到街..多數都係睇人收舖....!!!我聽到重以為..跨張..!!點知...原來係真架..!!!
唉...!!!嗚~~~悲哀~~~
逃難記...開始啦!!!
呢個禮拜..我地屋企上上下下..包括隻狗..!!!所講既話題.都不外乎"極品xo"..!!我真係唸唔到一個咩名更加適合佢...!!!!我發覺..佢唔只係.."煩"同"蠢"...!!佢可以話係.."厚顏無恥"..."雀巢鳩佔"..!!!佢響我地屋企五日...就攪到我地"家無寧日"...!!!連屋企隻狗"仔仔"都無得落黎玩呀(因為xo怕狗架)...!!!咁好啦..點解會家無寧日呢..!!!
先講下"飲食方面"..佢入住頭一日..就已經問我地個工人"阿D"..點解我地屋企無早餐食..連麵包都無...生果又無(做戲咩..豪門呀..真係有工人煮埋早餐你食..有司機車係返工呀..)!!咁好啦..佢咪自己去買羅(係買自己果份..)然後收埋響房食..!!好啦..佢每朝都訓到"日上三竿"...咁起身就自自然然會肚餓架啦..!!!咁佢就要"阿D"煮野比佢食..材料包括..
出前一丁 一個
雞蛋 三隻
腸仔 兩條
菜 半斤
麵包 兩至三片
橙 一個
呢個只係早餐咋..!!!都唔知佢係"生虫"..定"生積"呀...!!下次..可能要打邊爐呀..!!咁到左晚飯啦..!!有日晚我八點零返屋企.."阿D"都已經煮飯o勒..!!咁有一味叫"咕嚕雞球"..!!!但今次呢碟野同平日好唔同..!!佢d黃椒..紅椒..綠椒..比例上係多過d雞球既..!!咁我都覺得好奇怪...!!之後.."阿d"將個實情講比我知..一切既"迷團"就解開左o勒..原來..佢響"阿D"一路煮..就一路食..(即係偷食)!!!重好意思問.."哎呀.唔知我咁食..會唔食哂呢"(頂你..你話呢..!!)..!!!好啦..開飯o勒..!!一開始..就一匙飯...之後就一大"住"菜呀..一大"住""食送"..!!!總之..我未曾試過響屋企係無"食送"淨架..亦未曾試過食完飯之後d碟係碟碟清哂..(真係奇人奇技)!!!連帶我連飯都無得帶..!!!
到"生活小節"..!!咁由於佢話佢唔識得搭車..又唔識路.(但佢已經響香港兩年以上..亦都有句野叫"口在路邊"呀嘛)所以呢佢機本上呢..就全日都會響屋企...!!!但由於佢全日都響屋企..所以我地屋企既冷氣就變成"全日供應"...!!!佢話喎.."佢個人成日都好熱架..成日都出汗架..所以成日都要開冷氣架..!!"(但佢係行到邊開到邊..連check e-mail咁小時間都要開..!!)咁之前..我亦都講過啦..佢去廁所好耐架..!!!但耐都唔緊要..最慘就係..平日我地d廁紙..都係三日到用完..以家係..一日一卷..佢去完既廁所..會成地廁紙..成地水!!連水都可以"jump"到一"木台"都係水...(但係都唔會抹喎)!!最好笑就係..佢居然..叫"阿D"出街買"食送"之前..煮定野食放響"木台"面比佢食..(唔係呱..唔通連煲水都唔識..??)!!
其實點解話佢"厚顏"呢...!!!好似星期日..佢起身..見到我出門口..就拿拿聲咁走出黎..!!問我係咪去街..我就一路急急腳咁行..一路話係呀..好趕呀..(好彩咋)!!但"阿sa"就走唔甩啦..!!佢一見到"阿sa"出街..就叫"阿sa"車佢返屋企..!!咁"阿sa"當然推佢啦..!!話只係車佢去就近既地鐵站..!!佢就話o勒.."不如去灣仔地鐵站"..(咁同車埋你返屋企有咩分別..!!!)!!不過咁..好彩..都係車左佢去"坑口地鐵站"咋...!!!但就由佢返屋企..到由屋企再去我地屋企..佢足足打左十幾次電話比"阿sa"..原來佢只係問..點樣返去我地屋企咋..!!真係超煩....
唉..淨係四日都攪出咁多野...我真係唔知佢重要響到幾耐呀...!!!所以啦...我地一屋人已經決定左啦...後日...佢地去印度同西安..咁我就唔返屋企食飯啦...!!!黎逃避佢...
所以呢..今日我就開始實習下.晏d返屋企..用黎避左佢...!!!
成功啦..."冰皮月餅"...!!!yeah...
琴晚整好左d皮啦...!!!咁我今朝早當然要早d起身..睇下d皮有無咩異樣啦...!!!好彩咋...!!!無事呀...!!!重好軟熟...!!!連d"黑芝麻餡"都好好呀..唔硬..!!!好開心呀...!!!成功啦..!!!不過做既份量唔多...做得十四個咋!!!不過..我就將九個入左盒...要黎送比aunt...!!!咁今晚呢..佢送我返屋企先拎走..!!!而淨左既..就係拎返公司比佢地試下啦..!!!如果ok既話..我就會做多d....比"軟綿綿"..."女人仔"..."小寶寶"...!!!希望好味啦..!!!
至於今日既活動呢...!!!就係..."型仔"又攪魚缸啦..!!!咁我咪睇..vcd羅..!!!今日終於都睇到"早熟"啦..!!!套戲都...幾好睇呀...!!好鐘意睇..曾志偉...同黃秋生...!!!果然係影帝...!!!做咩角色..都活靈活現...!!!yeah...!!!
而今晚呢..我就留左響..到食飯..!!不過..就叫左..."鄉下雞"...!!!開心呀..!!!
失敗後...再接再厲..!!!
今朝早..就同"朱媽媽"同"軟綿綿"食早餐...!!!yeah....開心..!!!
返到公司....個個見到我個.."冰皮月餅"...!!!都問我呢個係咪..."水晶包"呀...!!!嘩........唔開心哂啦..!!!佢地試完之後..話我知...個皮比較.."un"..個餡比較"實"....!!!(嗚~~~~)所以..我決定..今晚.再接再厲.......試下用"寶蓮燈"...話比我知既方法...自己去整個皮...!!希望成功啦..!!
放左工之後..我就約左"小寶寶"同"阿神"...!!我地去左"太子"..之後..又去左旺角...我地咪去下d"擰"蛋公仔羅...!!!我睇個"
維尼"噹噹..!!好得意架..!!!哈...
("型仔"..你要識做呢~~~)然之後..重食左.."八爪魚圓"...!!!好味呀...yeah...!!!咁我地又行..去油麻地..唸住...去買料..今晚整野嗎..!!點知又閂左門喎..!!唉..好彩..有間惠康...都無咁煩...!!咁我地就..行返去太子..搭車返屋企o勒..!!
咁我返到去之後..梗係...拿拿聲食飯..!!之後就開工啦...!!!唔...今次好似..似d樣啦..起碼..都似返一個冰皮樣啦...!!!而個黑芝麻餡都ok呀..!!!咁我唸住..聽日早d起身整..之後..等"型仔"聽晚可以羅走..!!!哈......!!!yeah....
今日真真正正係"軟綿綿"最後一日返工啦...!!!唔捨得架..真係唔捨得架...!!!但亦都希望佢響將來既日子..都會開心...快樂..!!!樣樣事都順順利利啦..!!!
I Miss You La..!!!
我既"黑芝麻冰皮月餅"..!!!
好開心呀..!!!今晚我第一次整"冰皮月餅"呀..!!!不過..唔知點解呢..我覺得好似做...."水晶包"咁..!!其實最難呢..就係.."包"...呢個過程..實在太"痴"手o勒...!!!又唔知係咪落得d粉太多..!!不過..我會再改良下架啦...!!!
以家..我就比大家睇下包好而未雪既"冰皮月餅"比大家睇下..!!!比d意見呀..!!!(好緊張呀~~~)
人間悲劇........."極品xo"!!!
今日本來有好多開心既事架..!!!尤其..甚少出錯(包括說話)既"計算機"..!!今日都唔知攪咩鬼說話又錯漏百出...攪笑連場...!!!令到在場人士....真係未食野..都笑飽哂...!!!
但係..悲劇就已經響下晏發生啦...!!!"極品xo"都係要黎我屋企呀.....!!!!嗚~~~~點解...!!!到左五點鐘..佢就打電話黎o勒..!!佢話比我知...佢話想搭的士去北角..咁再轉地鐵..!!佢問我..有幾多個站到官塘..咁我就逐一話比佢知啦...!!!我足足同佢響呢幾個站到斗纏左十分鐘...!!!佢最後同我講.."我都係搭的士啦.."(我頂..玩野呀...攪咁耐先話搭的士..!!早響呀..!!)到啦..到左五點二十八分..(點解我會咁清楚呢..因為我要放工啦嗎..!!)佢又打黎..又話.."呀..都係唔好啦..你都係唔好等我啦...我都係等埋"雞包仔"一齊先走啦..咁佢幾點放工架..!!!"(大人....我地係在職人士呀..唔係好似你咁..少奶奶呀..!!咩叫幾點放工呀..唔通咩都唔做就走咩..!!!)終於..響呢到"擾擾攘攘"左五分鐘...!!!佢先至話..開始搭車啦..!!!
現在..時間係七點零四分..我以家重響公司等緊呢隻...."萬世極品xo"....!!!嗚~~~~~
