噢...慘日..!!
今日..都唔知做咩事呢..!!!"魔鬼"一早就同"黑椒"...叫左"養陰丸"同"計數機"入左房..一傾..就三個鐘..而雞包仔就同爸爸又響傾左兩個鐘..!!!嘩~~~又有大獲野啦..!!!
跟住..我就同左"朱媽媽"去左買.."鄉下雞"返去食啦...!!咁唸住當係同"軟綿綿"攪"Farewell"嗎...!!唉..睇見佢兩隻野...面黑黑咁..
!!就知道唔好野啦...!!後黎先知道原來..佢地比"魔鬼"照肺黎...!!!唔怪之得啦..!!無他既..最大既原因我地咪估"黑椒"..因為"養陰丸"無去到展覽會..繼而..又唔聽佢支笛..咁咪懷恨在心...!!!乘機..搵野鬧羅..!!!我知道..全程三個鐘..只係話"養陰丸"..而"計數機"呢..陪坐之嘛..!!!算啦..!!佢地全家都係咁架啦...!!!
"秋後算帳"嗎..!!!佢地最叻架啦..!!!
不過..放心啦..!!!遲d又輪到我架啦..!!!!我亦都等下呢一日啦..!!!
好緊張呀..!!"軟綿綿"琴日係last day啦..!!!
安全期..!!
今日..我終於都可以同..我表妹..."朱波波"msn啦...!!!又可以知道我"七姨"既近況...好開心呀..!!!聽講佢無做壽司店啦...!!!去左做"coffee shop"...唔知..辛唔辛苦呢..!!因為以前佢成日都手痛..唔知佢好返未呢..!!!好掛住佢呀...!!!
好野..."極品xo"佢無哂聲氣呀...!!!唔知係咪唔識得"截"的士...黎唔到呢...!!!定還事重執緊佢d行李..唔知帶幾多護膚品..所以..趕唔切呢..!!希望佢唔好再打黎啦...唔係.......!!!我死架啦...!!
放工之後..我就同左"軟綿綿"去左將軍澳...新都城...買野...!!!咁我地先先就梗係去飲杯野先啦...!!!咁咪同佢一路傾一路講下中小學既野...!!!原來..大家都係一個火爆既人...!!!唸起以前讀書...少少野..都會鬧交啦...打架啦...!!!發哂癲啦..咁..!!!唸起黎都好鬼白痴....!!!哈~~
同佢買完野之後..大家就各自歸家o勒..!!!
唔..佢重有兩日響公司咋...!!!!好唔捨得呀...!!!不過...今日"軟綿綿"話佢係"迷戀"我呀..!!!
型仔..你要小心啦...!!!!哈~~哈~~~
平安日..!!
今日都總算係平安..渡過..我既工作啦..!!!因為已經無咩做啦...!!!yeah......可以安安樂樂咁去玩我既msn..!!!yeah...
唔令我最不安既就係..."雞包仔"居然同我講左個"晴天霹靂壞消息"...!!!居然女人之中既"極品XO"佢話要黎我地屋企住.....!!!嘩~~~點解..重要我去接佢返屋企....!!!點解我咁怕呢個女人呢...就連一向都話佢係麻煩人既"朱媽媽"都係響麻煩界..屈居第二...真係一山還有一山高..!!!大家試唸下..佢係一個幾咁煩既人呢...!!
很久之前..我成日聽"雞包仔"講佢有幾唔好...!!!我自己本人都唔係咁相信..直至三年前..我真係信到十足...先講下人外表先啦...有蘿白腳...青蛙眼...蓮藕手...!!!咁外表呢D野...下..見人見至啦..!!!至於佢點煩呢..就係..出街之前..先噴五..六..七..八次..蚊怕水..(唔只蚊怕佢..連人都怕佢)..!!之後..同佢出街食飯...又話唔食肥..唔食朱..唔食雞..唔食牛..唔食某D菜(重有十九幾萬樣..都唔係好記得啦..!!)唔食LEE唔食路..樣樣都話膽固醇高...(咁不如..食香啦..)!!!去親廁所呢..就一定係..去成世先出黎(急屎就死啦..!!)因為保守估計..差唔多佢去沖涼..會成兩..三粒鐘先出得黎..!!因為佢要"查"好多..美白呀...防UV呀...防細紋呀...等等(唔知防腐劑駛唔駛呢)!!至於佢既廚藝..只得一樣.."白拾"..!!!好叻架啦..!!!而佢最叻既武功呢..就係......."喊"....!!!長年累月..呢個武功真係無人能及..!!!
至於我最記得有一次..我地屋企夜晚(記住係夜晚)攪釣墨魚..!!咁咪叫埋佢去羅...!!!當我去到地鐵站等佢既時候..嘩~~~我真係唔認得佢呀..佢全身包到成個木乃伊咁..漁夫帽..太陽眼鏡(咁夜..戴黎做咩呀)..長衫長褲(但氣溫係三十六度)..!!!唉..做賊咩..!!咁都算啦..!!佢行行下突然間問我..
"極品XO"問:"我地坐果隻係咩船黎架..!!!"
咁我咪話.."哦...咪普通..遊艇之嘛..!!!以前都係租開呢隻..!!!"
之後..."極品XO"就話O勒..."下..咩唔係坐好似...Titanic咁樣既遊輪咩..!!"
聽完之後..我當堂..
反白眼..嘔白泡...暈啦...!!!
Titanic點樣可以去釣墨魚呀....條魚絲放哂..都落唔到海啦~~~唔通佢真係唸住..YOU JUMP..I JUMP..!!發癲咩..!!
唉..雖然..放工果時"雞包仔"話佢唔黎..但..好似聽日都一樣會黎架...!!!
型仔煮野食呀...!!!(超難....得)
今日..我就入左屯門...上到"型仔"屋企..!!!原來佢出左去剪頭髮....咁我咪響屋企等佢羅...!!!不過..今日就會比較悶啦...!!!原先以為.."jan jan"會出街同佢工人放假...!!點知..原來唔係喎..!!咁無啦..入左去就當然唔出去啦...!!!而"型仔"又話比我知..佢約左人五點幾響旺角等..咁咪是但啦..響屋企睇下電視..坐下咁啦...!!!
點知到左五點幾...."jan jan"就出街o勒..!!而阿"型仔"又居然話我知..佢搵唔到果個人..所以..唔出去喎...!!!超...失望哂啦..!!!不過..算啦...!!咁我地就出去買餸啦..!!!咁我地就買左....菜啦...魚柳啦...!!!而今晚既特別節目就係"型仔"佢話要下廚...親手整...."五味骨"..!!!比我食呀...!!!嘩...超難得啦....個難度係9.9架..!!!呢個餸特別之處呢..就係...樣樣都五羹...!!!好難架...因為要數住呀嗎..(多左唔知得唔得架呢)!!!睇見佢一開始就"雞手鴨腳"咁...!!又一地醋..又一地糖咁..真係難為左"印尼姐姐"呀...!!!經過...半個鐘頭既時間...(
)!!
"型仔"終於整好啦....!!!好啦...等我呢個食家"維尼"..試過先...!!!!嘩~~~~~~~~~~~~~~~~~~~~~正~~~~~~好味~~~~~~!!!
唔係賣花讚花香架...!!!事實又真係好味架....!!!
琴晚原來係整兩個蛋糕架...!!點知..唔夠麵粉喎...!!!所以將佢合二為一...變成"合桃黑芝麻蛋糕"..!!
星期六..無哂節目..!!
沉悶既星期六..又開始啦..!!!唉....不過今日佢地個話題..都係離不開..整"moon cake"..!!!阿"寶蓮燈"今日整左五個"moon cake"返黎呀...!!個樣好鬼得架...!!!咁佢就教我點整啦...不過..我反而有興趣整冰皮...!!!好似好得容易咁..!!!哈...哈...
但今晚呢..我決定又整蛋糕啦..!!!不過..我想整"合桃蛋糕"...唔知"jan jan"同"型仔"鐘唔鐘意食架呢..!!!而我亦都會整多次個"黑芝麻蛋糕"..!!!yeah..yeah...
好啦..今晚都係無咩想寫啦..!!!收工...
bye-bye..!!!
今日頭版...真係"令人髮指"呀...!!!
今日睇到蘋果頭條...."按在地上..瞄準手腳..斬斷筋骨..口罩雙煞削骨刀斬七歲童"...!!!
呢句都已經恐怖架啦..!!!之後重要睇埋內文...我真係唔敢相信...!!點解可以咁架...!!!咩事都好..小朋友係無辜架...!!!做咩大人既問題要連累個小朋友架...!!而果兩個兇徒又點解可以落得手架..!!!個小朋友只係七歲咋...!!升二年班咋...!!點解可以咁殘忍架...!!!如果唔係d街坊喝止住...個小朋友連對腳都無呀...!!!(嗚~~~)捉到佢地真係要嚴懲呀...!!!亦都希望快d捉到呢兩個兇徒啦...!!
如果想睇呢段新聞可以瀏覽以下既網址...!!
http://appledaily.atnext.com/template/apple/art_main.cfm?iss_id=20050826&sec_id=4104&art_id=5170914
想知道我琴日所講既"日本大江戶嘉年華2005"既情況...可以瀏覽以下既網址..!!!
http://appledaily.atnext.com/template/apple_sub/art_main.cfm?sec_id=38163&iss_id=20050826&art_id=5168684
日本大江戶嘉年華2005
今日放工之後..就去左灣仔...因為會展舉行左一個"日本大江戶嘉年華2005"...!!但咁喎..我點解會唔知呢..就係因為..我根本就睇唔到有呢個展...!!!而亦都無咩宣傳過...!!!所以唔係"阿SA"話比我知..我都重係一隻"蒙鴨"...一切重係蒙在鼓裡添呀....!!!其實點解會去呢..最主要都係因為賣"砌圖"既老板娘..響果到擺展嗎......!!!咁咪去八下羅....!!!去到..個會場個環境..佈置亦都相當好FEEL....!!!但所買既野..就真係....失敗....!!!好無聊羅....!!!好似..修甲都有得即場做啦...毛公仔...衫...褲!!有D就好平..有D就好鬼貴羅....東!!成個場..好靜....好冷清.......!!!不過...聽老板娘講..好似到四點之後..就係咁啦...!!唉...
好開心呀...睇到好多砌圖呀....!!!我又訂左一盒..300塊啦...!!!真係發癲呀....!!!不過..我一定要努力砌好我幅1,000既...!!!
去完展覽會...我地就去左銅鑼灣..去"何洪記"食雲吞麵...!!!之後..我地又食..越南粉...!!!嘩....飽死人啦...!!!!我地行左去SOGO果邊...重睇到有個"鬼"..響到做街頭表演呀....!!!好攪笑架佢...!!!!
黑芝麻..蛋糕!!!
今日放左工之後..就同左"軟綿綿"去左"桔朱島"到買"黑芝麻"..!!!因為今晚唸住又整"黑芝麻蛋糕"嗎..!!!yeah.....
嘩..去到"桔朱島"就真係唔捨得走啦..!!!好鬼多野買呀..!!但我地行左好耐..都搵唔到"黑芝麻"呀...!!!都行左成個圈啦..都搵佢唔到..!!於是乎...我地就由頭再行多一次...逐格逐格睇....終於都比我地搵到啦.....!!yeah.....之後..我地又見到...一盒盒..要"抽"既小擺設啦..!!!咁我就抽啦..!!哼...點鬼知阿"軟綿綿"居然話我可能抽到...一大盒"椒"喎...!!....激氣...!!!!行左一陣..咁之後..返屋企啦...!!!食完飯之後..我拿拿聲去整啦...!!!但當我打開..個袋"黑芝麻"一睇..!!點解唔似係"粉"..而係.."一粒粒"既..!!於是乎..我咪將原粒芝麻磨左佢做粉羅....!!!嘩....正呀...~~~好香"黑芝麻"咪呀...!!!!做出黎d蛋糕..真係好香...芝麻咪呀...!!!!yeah..但不過咁..都重係有d問題...!!!而個問題...就係個蛋糕個質地個問題o勒..!!!比較硬羅....而我後尾..係知道左個原因o勒....!!!就係因為我較大左個火........唉.........!!
哼 ~~~你個衰婆...比你把"屎坑口"...咒重左呀......!!!!真係成盒都係....."燈籠椒"...!!!
展覽會....完滿結束啦..!!
大家好....好耐都無寫過日記啦...!!係咪好掛住小鴨b呢...!!!哈...幾日都無日記睇啦...!!!係咪好心急..我呢排攪咩呢...!!!唉..無他既...咪就係因為展覽會之嘛....!!呢個展咪就係一年一度...深水"土步"倉底貨展羅...!!!咁當然..就好多野睇啦..如果o岩既話..!!而我亦都響呢個展覽會到買左個mp3機啦..!!!yeah....開心死啦...!!至於有無咩特別野發生...!!當然係有啦..!!星期六..日..要返工..個人就當然唔開心架啦...!!!我只係早走半個鐘o者..個死賤人..駛唔駛..向"雞包仔"打小報告呀...!!!咩事咁大不了先...!!!(哼~~~~)但算啦..一切都過左去..唔開心亦唔開心左...要知道既人亦都知道左...唔想再提啦...!!反正..個賤人係咁架啦...!!!多講無謂啦..!!
但都有開心野架...!!!起碼星期六.."型仔"黎左陪我..而我亦都真係可以...煮左一餐飯比佢食啦..!!好安慰架啦..!!!而星期日..佢又黎接我去食飯...!!!yeah....yeah....
至於今日呀...嘩..我四日無返公司咋...成個"木台"面..好似打仗咁...七國咁亂...!!!發生咩事呀...!!!係咪比人打劫呀...駛唔駛報警呀...!!!工作又可以要清啦...所以都比較係....忙架..!!但百忙之中呢..都可以咁眼訓架...!!!直頭打打下字都可以瞌著...撞鬼羅...!!!鬼上身呀...比睡魔上身呀...!!!要搵師父..捉邪捉鬼啦...!!!(發癲完畢)
今晚.."張保仔"又黎啦..今次重要住兩個禮拜呀...!!!我死梗啦...!!!佢個人本身唔知係咪無咩童年架呢..!!!細個梗係無去..泳池呀...沙灘呀..等等既地方玩o勒..!!!都唔明白..點解佢每一次黎住..每一次去沖涼..都可以攪到個廁所..濕哂..!!!濕既程度...唔係一般野..佢好似去左"水上樂園"(去玩...去癲..黎清水灣..!!)!!!而係由浴缸..去到洗手盆...連塊鏡...無一地方係乾架...!!!所以佢次次沖完..我都要抹一大輪....!!!天呀..........救命呀....!!!!我要抹兩個禮拜廁所呀..!!!
好開心呀...知道"達達"同"olive"佢地終於都搬完屋啦..!!!睇佢地既日記好似..間屋好view喎...!!!不過原來佢地搬起上黎都好似幾多野攪架...!!!而佢地d仔女(指佢地d貓呀..!!)就開心啦..!!希望佢地生活愉快啦..!!
失望日..!!
唉..今日真係令人一個失望既日子啦..!!!聽日就係..展覽會既日子..!!但係我就好驚星期六..日都要去羅..!!本來去都唔係咩咁大問題..!!!問題就在於...放工既時間係響8:30到..!!我唸住..星期六..整餐好野比"型仔"食架嗎...!!!點呢..
.....
無望啦...!!!
而我今時最嬲既就係..死人"阿sa"...!!佢今日問我聽日會唔會去展覽會..咁我都唔知點答佢..因為我無收到通知係咪要去..!!!佢重叫我幫佢留意d SD card咩價錢...!!之後重要係咁問我..星期六..日去唔去..!!我咪同佢講唔知羅..!!佢重好"悔"氣咁話.."咩唔知o者...咁你唔去..展覽會邊有人呀..!!!"我當期時..唔想再答佢..我只係心唸..如果我答應你地星期六去大陸(旅行)既話..咁我都係去唔到展覽會架啦..!!咁我係咪唔去大陸..就一定要去展覽會o者...咁如果你覺得咁嚴重..你點解自己又唔去呀...!!!你唔好去大陸呀.....
笨..!!!
所以就係因為呢件事..攪到我心煩意亂....好煩呀...!!!
水晶..xo..!!!
今日好開心呀..!!!我居然有銀行送比我既禮物呀..!!重係..一個水晶既XO..(類似過三關)!!!好靚架..!!!咁放工咪同"軟綿綿"一齊去羅...!!因為佢聽晚唔出街架啦..!!點解..因為..聽日係七月十四羅...!!!嘩...好得驚呀...!!YEAH....哈..
好野...話咁快就星期三啦..想快d過...!!快d去到星期六呀..咁我就有一個開心既"人世界"...!!yeah..
今日呀...唉.."型仔"佢無返工啦..!!其實佢今朝唔做鬧鐘..叫我起身..我都知道有問題架啦..!!!只不過係估佢..頭痛呀...定點o者..!!點知..原來係..頸痛..!!!其實呢樹成日都痛..佢就話我知係以前踢波整親...所以..以家就成日都會痛..無論點睇醫生都係咁..!!!唉..其實...見到佢咁樣..都唔知點算..又幫唔到佢...!!!其實佢有無唸住..照下呢..睇下咩事都好呀...!!!成日睇鐵打都唔係辦法架..!!!就算送左"奧禪"叔叔比佢..都無用啦...!!唔開心哂啦...!!!
"型仔"快d無事..."型仔"快d好返...條頸唔好再痛...病魔快d離開...!!
無題..!!
今日都無咩特別野呀..!!!都係咁啦...日日如事...野又係未做哂..!!!
不過..唔知點解呢..我覺得日子..好似過我好快咁..今日已經去到星期二啦...有時好似d時間好唔夠用咁..!!好似日日響到浪費咁...唔知呢...
哈..唸起我個小學同學仔.."達達"佢又話咁快就返黎香港啦...知道佢響澳洲買左佢既"新婚之家"..恭喜哂佢啦..!!而佢會響出年三月結婚...恭喜呀..!!希望..佢同"olive"新婚快樂...之後..就年生貴子..啦..!!!哈..哈..!!
講開結婚..有D人都會問我...幾時會結婚!!但唔知點解呢..!!又無咩心喎...反正以家都唔錯呀...!!!其實唔唸..都有兩個原因既..一來..無經濟能力啦...!!!二來..係自己唔係咁急羅...!!!咁呢D野又急唔黎..一切隨緣啦...!!係時候就係時候....^o^
男女大不同..!!
今日個天真係玩人啦..!!時好..時壞咁..!!明明出太陽架啦..但都可以一路出太陽...一路落雨..!!!玩咩..
至於今日有咩特別事..都係.."軟綿綿"啦..!!佢因為強積金既野..大發雷霆啦..!!但其實..都無咩既..誤會一場o者..!!!但有時我都同佢講架啦..凡事都要睇清楚d...唔好下下都咁火爆..!!一唔like就發火..收歛下嗎..唔係..去到第二間公司點算呀..!!!
而今日呢..咪同"養陰丸"傾下..男人同女人既野羅..!!!首先..多謝佢啦..無論係想八卦又好..關心又好.(因為佢以為我同"型仔"鬧交嗎..!!)!!總之..多謝啦..!!!
咁講開又講..我其實..又真係無點同"型仔"鬧交喎..!!唔係無..係少..!!係唔想鬧..唔想煩..唔想破壞大家之間既感情...!!!反正都係一d少事..!!!而我亦知道咩係講係講得..咩又唔講得...!!!我知道兩個人相處係要"坦誠相對"..但你話有咩唔滿意佢..又講唔出(因為唔係咩大不了既事)..!!至於有無呢..咁就當然有啦..語氣羅..成日都用"悔"氣神功..!!!(哈..佢又話我痴線架啦..!!!)唔..另外..出街羅..!!好少唸定同我去邊..又問我..之後又反對..!!(CHUR..咁又問...玩野啦..!!!)^O^
至於女人係咪"問題少女"及有"多疑症"...!!!係架..!!成日會亂唸無謂野啦..!!!唸下一D暫時唔會出現既情況啦...!!!淨係唸同佢出街著咩衫呀..都唸死人啦..!!!你話..邊樹唔無謂呢..!!
而男人呢..好多時就係得兩樣感覺o者..一係鐘意..一係唔鐘意...永遠無灰色地帶...!!!
但又唔係因為以上既野..令我唔開心架喎..!!咁講啦..佢有時做d野..又幾令我感動..亦都令我心動架..!!哈..哈..因為佢係一個
"麻鬼煩"羅..!!!
二人世界....行街街...!!!!
今日約左"型仔"響"德福"到等...!!!因為佢要買衣櫃同一個架..!!!同佢行左"宜家"..只係睇o岩左個木架...而個衣櫃呢..就實在太貴啦..!!!咁我地就去左旺角既"實惠"到睇啦..!!又比佢睇到個衣櫃..而價錢又合理喎...!!重要左砌加砌先..砌夠五百蚊..可以免費送貨呀..!!!咁我地又去左美孚.."型仔"羅..又買左d珊瑚o勒..!!!後黎..我地去左屯門既"吉朱島"買野食返屋企煮..!!!嘩..返到佢屋企..就勁啦..!!先要攪掂"Mr. Leo"擺既"地雷"陣啦...!!!!同埋..佢摷出黎既野啦..!!!唉.."型仔"一見到..就又鬧啦..!!!但其實..都唔駛咁惡呀..!!!試唸下..佢一隻"男人老狗"..響屋企成日..又無人陪佢..咁悶架嗎...!!!講真..摷拖鞋出黎玩..少事啦..!!!不過佢都叻架啦...識擺"地雷"陣...!!!睇個陣形..似係好精心咁唸過先擺架...!!!!其實..不如教佢開電腦上網..開電視睇啦..!!!咁有d細藝嗎..!!!
咁有d時間我就教"型仔"POST d相上去佢既討論區啦..(其實都唔係太算教..因為某D野佢又識喎..)!!!哈..但我都覺得我好鬼死叻呀..!!!
今晚我整"牛扒".."蝦".."牛尾湯"..!!但我自己唔係咁欣賞羅....!!!重覺得好失敗...好失敗...!!!所以我決定..下星期煮過一餐好既作為補償..!!!
食完飯我都係繼續上我既網..而佢呢..就因為頭痛..所以訓左覺...但其實..我好擔心架..因為佢先係..成日都話頭痛..又唔知佢咩事喎..有時連食完頭痛葯都唔得..!!!但佢又唔睇醫生喎...都唔知點..!!!所以..佢車我返屋企都好啦..我都唔係太敢講野....!!因為唔舒適既人就最唔想講野架o勒...而另外就係....唔想打擾佢揸車羅..!!!
另外..同大家分享下...萬眾期待...我HONEY既36"大魚缸呀...!!!(切記留言..比D意見呀..!!!)
盂蘭大會...!!
今日係一個好難得既星期六半日..但好可惜...我都係無得去街..!!!因為...一年一度既..."盂蘭節"..又到o勒..!!!而每一年一到呢個節日呢....我屋企人就會響"玄圓學院"到買d位....咁就拜d"先人"咁啦..!!但好得意架..每一次去到呢..唔係落大雨呀..就一定係打風..架o勒...!!!有時..聽d老人家講..話係d先人喊喎..!!咁呢d野就不得言之啦..!!!但今次都算好啦..起碼..我地去到都無落雨..係熱d...!!成個過程..我地只係用左一個鐘到..就完成啦..!!!而我成個人呢...就響呢短短一個鐘..全身濕哂...!!!好似沖完涼咁..!!!
之後..我就同左"阿神"去太子...不過我地都係上左去"肥仔漫畫屋"到之嘛...!!!一來又唔駛周圍去..二來又有有書睇(正~~)...佢呢到都係一個好地方..咁坐左兩個鐘到...!!我地就去搭車...落"黃埔"..食打邊爐..又係慘事啦..!!!
之後..食完走啦..!!!嘩..點知...個天好似倒水咁....又行雷又閃電...!!!嘩..我幾驚劈死我呀..!!你知啦...雷劈好心人嗎...!!!我呢種咁好心地既人...(哈~~哈~~)返到屋企果條路重勁呀..!!!連路都睇唔到添呀..!!!
一舊雲...!!!醒未呀..!!
今日有兩單勁爆笑既事發生,.!!!令到我咁眼訓既日子...帶黎少少醒神..!!!但係兩單野既主翁都係"軟綿綿"!!!唉...
第一單..咁我地不嬲都係用msn黎溝通...咁我唔知佢誤會左我d咩啦..!!
事緣係佢出去食晏..咁我咪叫佢幫我買d野羅...(呢樣係咩就唔講啦..!!)咁佢無端端問我..要厚定薄..!!我就"R"哂頭o勒..點解我要果樣野..會有厚薄之分..???後黎佢問我係咪買"姨媽巾"..唉..小姐呀..訓醒未呀..!!我要買呢d野都唔駛咁鬼鼠啦..!!重細咩..一見到佢就真係笑到爬響到呀..!!!而佢又響到面紅紅咁..真係笑鬼死呀..!!
好啦..都算o勒..!!到左放工..另一單..就響呢到發生o勒..!!
咁放工呢d時候就特別..快..尤其動作就更甚啦..!!!咁倒緊垃圾既"朱媽媽"見到"軟綿綿"一放工就"滾水陸腳"咁鎖門..咪唸住開定門等佢羅...點知..個傻婆...一支箭咁走去"禁"密碼..(因為公司用密碼鎖架)!!!撞鬼咩..成道門開哂啦.."禁"咩鬼密碼呀...!!!呢件事..重要比我響電視仔到睇到哂...而佢入到黎又樣衰衰咁...笑鬼死人啦...!!!佢重要入黎係咁話..."咩o者..咩o者..好趕嗎..!!!"但睇你個樣唔係趕..係發神經呀...!!!
一舊雲..你醒未呀..你去換"劉華"簽名飛咋..未見到架...駛唔駛..暈哂咁呀...!!!定係比d客鬧傻左你呀...!!!!醒啦...醒啦..!!!
眼訓日..!!
今日都唔知點解..可以咁眼訓..!!!都唔知係咪琴日做完gym..成個人散哂咁..!!!超倦..!!
而又有一大疊野未做完..!!!睇見咁多未...就眼訓死啦..!!!唔知道幾時先可以做完呢..!!(嗚~~~~)
不過都好彩..返多兩日就放假..到時又可以見到"型仔"啦..!!咁就精神o勒..!!!yeah..
算啦..今日都係無咩事啦..!!!收工啦..!!yeah...
第一次...!!
哈..唔知點解呢..今日好似好鬼悶咁..!!!公司所有人都好有一種"悶"氣...!!令所有野都無哂生氣咁..!!
今日我無意中DOWNLOAD左一首歌...!!!唔知點解..越聽..就越鐘意...越有感覺...!!!而呢首歌就係..
"第一次" - 光良
當你看著我 我沒有開口 已被你猜透
還是沒把握 還是沒有符合 你的要求
是我自己想得太多 還是你也在閃躲
如果真的選擇是我 我鼓起勇氣去接受
不知不覺讓視線開始閃爍
喔 第一次我 說愛你的時候
呼吸難過 心不停地顫抖
喔 第一次我 牽起你的雙手
失去方向 不知該往哪兒走
那是一起相愛的理由（對我）
那是一起廝守
喔 第一次吻 你深深的酒窩
想要清醒卻沖昏了頭
喔 第一次你 躺在我的胸口
二十四小時沒有分開過
那是第一次知道 天長地久
感覺你屬於我 感覺你的眼眸
第一次就決定 絕不會錯
而呢首歌越聽..就越會唸起..好多..好多..同"佢"..好開心既日子...!!!^O^
一舊雲..壽辰..!!
今日係"軟綿綿"生日呀..!!!希望你事事順利啦..!!!重有呀..身體健康呀..!!!^^
我地今日食晏都出左去食..順便同佢去食飯嗎..!!!咁講真..之後.都無咩機會會再食架啦..!!!咁為有好好珍惜埋呢個月啦..!!!唔捨得..有架..重好架..!!!不過..唔怕啦..只要佢開心咪得羅...!!傻瓜..!!
淋放工之前.."阿sa"打比我..話佢買左個蛋糕比"軟綿綿"喎...!!!大佬呀..請人食餅..早d通知呀..!!放工先黎講...唔到等佢返左屋企先....玩咩..!!!明知佢今日實有約架啦...!!!攪到佢今日重要趕頭趕命咁..!!!
放左工之後..我就去左工聯會..呀..我唸住去返學啦..今次呢..就返..shipping..同粘土..!!!今次粘土呢..就整水果..!!!咁都開心架..!!!至於shipping...就係因為..有用羅...!!!
好啦..今日都無咩特別事啦...!!!ok啦..!!
最後..一句.."軟綿綿"大個女啦..!!!生日快樂..!!^o^
雨過..又天清..!!! ^o^
雖然琴晚訓得唔係幾好..又醒下..又訓下..!!!但都ok啦..又唔係太倦..!!!唔開心..都過哂去啦...無野唸啦..!!!有時..感覺對於某d人黎講..可能係微不足道...!!但可能對於我黎講..係天咁大..!!!傻羅..!!放心啦..我唔會再亂唸野架啦..因為我知道...我響你心中...有我咪得羅....yeah..!!!
今日.."軟綿綿"決定左...遞辭職信啦..佢唔做啦..!!!都"鄧"佢開心架..!!!起碼..佢唔駛再唔開心先啦..!!!你估日日比客鬧..好過癮咩..!!!至於唔捨得..有架..!!!其實...佢好得意架..好傻架..!!有佢響到會好嘈..好多野講..其實同佢都幾夾架...!!!寸人果時..重夾呀..!!哈....哈..!!不過..anyway..都希望日後..佢會搵到份好工啦..搵到個又負責任..又好既老細啦..!!!^o^
重有呀...聽日就係.."軟綿綿"既生日..好啦..響呢到同佢講一聲...
"
生日快樂"
感覺
感覺..有時真係好得意...好似好真..又好似好假...!!!!你覺得係咩..其實又唔係喎..!!!你覺得唔係咩..!!!原來又係真架喎....!!!有時..想去問..但唔敢問...就..會胡思亂想...!!!
有時..你會覺得感覺..係好遠..好遠...!!!遠到覺得唔在乎...!!!有時又會好近..好近..!!!近到覺得好緊張..!!!係咪每個人都係咁架呢..!!!
女人...一種古怪既動物...!!!每每發現一d蛛絲馬跡咩...!!!又唔會睇下是真是假...!!!只會在心裡....!!!係咪..傻呢...!!!或者..咁樣只係唔想去傷害大家既...感情..!!!
傻了..
鴨拉ok...遇"同窗"!!!
今日好開心呀..!!!!yeah..又可以放半日啦...!!!簡直係人生一大樂事呀..!!!真係禮拜六..大把節目..!!!再加上"雞包仔"、"阿sa"、"阿嬌"、"4g"佢地又上左去大陸..!!!今晚唔返..所以就更加開心啦..!!!yeah...yeah...!!!
放左工之後...我就拿拿淋搭巴士去尖沙咀..等"小寶寶"..!!本來就淨係同佢去街之嘛..!!點知中途殺出阿"神"打比我..!!!慌唔係悶..搵我去街咩..!!哈..真係..!!!咁咪一齊去街羅..!!我地食完野之後..就去左"海港城"到行...!!睇下呢樣..睇下果樣..!!!不過..淨係可以睇羅..d野..真係唔係我呢d小人物買架羅..!!!!一件類似"底衫"既野..都講緊..二千幾呀..!!!(心寒~~)
但又估唔到喎..!!!區區一個"海港城"我地都可以行左四個鐘...!!!我地居然..唔知做咩咁慶志勃勃...去唱k喎...!!!都好呀..又有得唱..又有得食buffet..又唔駛熱..!!!爽~~~~~
但世事真係無奇不有..!!!響羅野食既期間..我聽到一個女人..好大聲咁叫"老公~~!!"(聲音高八度)..咁我當然唔覺唔覺咁望下佢啦..!!點知..原來係以前..讀"明愛"既書友仔..!!!呀...唔係啦..!!以家應該叫佢地"書友佬"同"書友嬸"啦..!!呢一男一女..以前係一對成日鬧交既情女....每次講分手..都係第一時間話我知...又互數大家既不是..!!!估唔到..佢地已經係兩公婆...!!哈..世事真係..!!但我無叫佢地..因為直覺話我知..佢地係唔認得我羅...!!!但佢兩個就真係..唔會唔認得羅..因為個樣無變...變既只係大左兩個碼到啦...!!!哈..我地唱到十點到啦..!!!就走o勒..!!!yeah..
"養陰丸"先生..我知道啦..!!!唔駛咁惡既..!!我下次會同"型仔"去"板前"食架啦..!!!^o^
苦工..!!!
今日都唔知點解..無咩心情咁..!!!公司個個都好似唔開心咁..!!點解呢..!
"養陰丸"呢排就唔知做咩啦..成個人謝哂咁
!!我個人應為..佢好似失戀..!!咁當然..佢話唔係..!!!我就要信佢啦..!咁講.佢份人就好少講佢既野..包括感情就更加啦...!!!巴之閉...!!!不過..睇見佢個人謝哂咁..!!真係陰公啦..!!
至於.."軟綿綿"就更加...!!唉..佢間咁既公司..都唔知攪咩...!!"阿moon"又唔抓數..!!!攪到訂左貨既公司..日日就打黎煩...又話無貨..又話佢點做生意...!!!衰就衰在.."死貓"呢..!!就比哂"軟綿綿"食..!!!唉..算把啦..!!!比佢繼續做又點呢..!!咪又係攪嗅個名..!!!無哂信用啦..!!!不過..希望"軟綿綿"唔好唔開心啦...!!!出黎做野就係咁架啦...邊一間公司會有一個負責任既人呀...!同事係咁..老細..重衰d..!!d客打黎..咪當佢唱歌羅...!!!佢好聲氣既..就當佢係"劉華"...!!!佢衰d既..咪當佢地係"LMF"..唱粗口歌羅..!!!你知係架啦..成日都
..!!我驚你變多幾之..爆血管咋..!!!咁啦..如果真係覺得唔開心....你就
..反正間公司都無架啦..!!!再唔係..你一見到"阿moon"返黎你就
...!!
哈..係咪好爽呢..!!!!yeah.....
oh.....訓唔醒呀..!!!
經過琴晚苦戰..又攪到兩點幾先訓啦...!!!所以今日眼訓到死呀..!!
今朝早...返到公司.."軟綿綿"話比我知佢好眼訓..!!點鬼知..佢一見到我...當堂都唔敢再講啦....!!因為我個樣重衰過佢呀,.!!!之後..我就出左去寄信..銀行..再落就去左"amp"吞個小pop仔...!!去左睇書...!!!!唔..都無呀....都無睇下d蛋糕書呀..同煮野食果d啦...!!!我買左"吳老闆教煮泰菜"啦.."不是煮飯婆"啦.."蛋糕話咁易"啦...!!同埋..丘剴敏同梁榮忠寫既"純屬愛情"..!!!不過..話時話..我都好似好耐無整過..蛋糕啦..!!!差d都唔記得點整添...!!!懶鴨啦..!!!好啦...好啦..搵日去整下先....!!!
放工之前..收到"達達"msn比我..話..佢病左..!!!唉...佢又係既..一到冬天就病...慌唔係...天氣凍..又唔著多件衫咩..!!!懶壯咁..!!不過..點都好..都希望佢快d好返啦..!!!就黎做人老公啦..成日病..點照顧"沙灘貓"呀...!!!
放左工之後...我咪影樣去同"軟綿綿"一齊搭車返屋企羅..!!!點知..."阿sa"就打比我o勒..!!!佢問我去唔去..銅鑼灣..搵"砌圖老闆娘"喎...!!唉..唔去啦...!!!又唔係買..我果幅又未攪掂...!!!費事去啦..!!返屋企攪掂埋我果幅重好啦..!!!
好啦..!!又要開工砌圖啦..!!!寫住咁多先啦..!!!^o^
橕"木台"腳...!!!
好野呀.....!!!!今日放工之後就同"型仔"去食飯...!!!yeah...yeah...!!!不過...咁講..我都好耐無同佢出街食下飯啦...!!!但佢就衰啦...叫左佢早少少上黎公司搵我架嘛...!!!重要遲到...!!!!重要打黎話我知佢響我公司樓下附近...但聽講..我已經響公司樓下等佢啦喎...!!!咁.....佢響我公司既幾多公里既樓下呢...!!!!x y z @ #
我先同佢去左買野先...!!!言之後..就去左"金魚街"..!!我地先先就去左PCCW樓上面果間叫"鮨"既壽司舖...!!!唔...果間野都幾好食架...!!!但我就當然唔係食左好多野啦..!!!因為本身我係唔食生野既...!!!!但好激氣啦.....簡直係...蝕哂大本呀..!!!因為果間野今晚係"Lady Night"嗎...!!在場女士..都有免費雪糕食架....!!點知..我走先知咋...!!!!激氣...!!!不過..果間野又唔o岩...重咩唔話比我知呀...!!!奸商......黑店....謀人寺.....!!!!
之後..我地就行下"金魚街"啦..!!!睇到好多龜呀.....(好掛住小龜B添)!!!佢個深水魚缸就整好左...當然要加d新成員啦...!!!所以...佢就買左條"巴士"..!!而我呢..就買左條"紙皮箱"...!!!好得意架...!!!!四四方方...咁...游起上黎...條尾重會擺響一邊架...!!!哈...哈....
跟住..."型仔"就車我返屋企啦....!!!咁佢聽日又要返工..!!!所以...好啦..放過你啦...!!!嘻...
困lift記..!!!
現實..歸於..現實..!!!只好勇敢面對...!!希望"時間會沖淡一切"..!!
今日係每個月既大日子...!!!出書日..!!所以一返工就忙到死啦..!!!!早餐都未落格..就拿拿聲走去"拉"書啦..!!!到左下晏之後..我咪同"軟綿綿"去送書羅...!!!點知....意外就咁發生左o勒..!!!我地一入lift..阿"軟綿綿"就已經覺得部lift有d怪怪咁架啦..!!!誰不知..去到..二樓..!!!嘩...........部lift無哂反應呀...!!!咩樹呀....!!!!於是乎..我咪打電話返公司求救羅..!!!不覺咁..唔知點解呢..人地困lift..我地困lift..困得我地咁嘈...!!!重好開心添...!!!完完全全無哂...驚慌啦...尖叫啦...呼吸困難啦..等等..既症狀...!!!反而就響到"嘈哂"..!!!都唔知隔左幾耐...就聽到有人拗門啦...!!!YEAH.......
嘩..lift門一打開...我地原來一半就響二樓..一半響lift槽...好緊張呀..!!於是我地就逐個咁爬返上去羅..!!!我覺得好似做戲咁呀..!!!!哈..哈..
今日本來"型仔"黎同我食飯架..!!但可惜呀..!!!佢又未整完佢個魚缸..所以佢就改左聽日o勒..!!!唔知同佢去食咩好呢...!!!希望佢快d整好個"靚靚"魚缸啦..!!!yeah....
再見啦..!!!小龜B..!!!
親愛的小龜B：
你好嗎...!!知道你帶住一個軟弱既身軀及沉重既龜殼..走住人生既另一條路...!!!孤單既你..習慣嗎..!!!突然既離開..一想起...心酸不禁湧上心頭..!!!淚..一直流..一直流..!!!八年既"朋友"關係..亦都響7月31日..正式.."陰陽相隔"...!!
回想起八年前...當我經過水族館門外..一眼見到你..!!!就有重..奇怪既感覺..!!!或者係緣份啦..!!再三經過..我就決定買你返去..!!!"朋友"既關係..就正式開始..!!記得第一日帶係返公司...公司上上下下既同事都對你非常好奇..!!!怕羞既你..都會拿拿聲咁走返去..你個小山洞到..好似怕左佢地咁...!!!記得有次..我將你放落地下行..點知..你一行..你就行到連影都無埋...!!!攪到我四周圍咁搵你..!!!但原來..你只係走左去我"木台"底...!!真係嚇死我啦..我重狠狠地咁鬧左你一餐!!好啦..放你響"木台"面行啦..!!你就一路行..一路流出係既"`廢物"..!!!幾咁核突呀..!!!真係比你激死..!!!睇住你一日一日咁長大...!!!你重會學識...用雙手"符"住個缸邊..慢慢用雙腳企響到...之後..就伸出你個八卦既頭..去"裝"我...!!睇住我做野..!!!你真係名符其實既"八卦仔"...!!!不過..你都好乖...!!如果你太嘈..只要我一指住你..你就乖乖地..安安靜靜咁...爬返到到..!!!
直至今年...我就因為私人既理由..將你搬去"型仔"既屋企...!!!但你個"為食龜"..居然..比任何野你都唔食..嘗試買奇他野比你食啦...!!你都唔食...!!!粗心大意既我重以為..你"咀刁"..唔鐘意食..!!!聽到"JAN JAN"話你開始用個口去呼吸..!!!我重懵然不知...!!!原來..你既身體..已經開始有問題...!!
直至星期日.."JAN JAN"..話你四肢腫脹...呼吸困難!!!代我帶係去睇醫生...!!!每一次電話一響..我個心都跳到不得了..!!!完全無哂心情..!!!當到收到"JAN JAN"既喜訊..話你只係..唔夠鈣...唔夠維他命...你係會無事架...!!所以我都放下心頭大石..!!!誰不知...呢一個只係唔會實現到既希望...!!!下晏返到屋企...你重好活躍..但去到夜晚..就開始急轉直下...!!!雙眼無哂神...連頭都"抬"唔起..!!!!我重以為你太倦...!!!所以都唔去打擾你..!!!但只不過係數分鐘..時間...!!你就一聲不響咁...離開我....!!!!一時間...我真係接受唔到...!!點解呀...點解你唔比d時間我去醫你喎...!!!
離開...已經係一個事實...!!!面對住所有人..我都表現得好開心..!!!但心裡面....總係...有一種失落感...!!!!小龜..唔知道你去到邊一個地方呢...!!!希望你去到"彩虹橋"...你既另一個生活會更加..多姿..多彩...!!!!記住呀...食返多d野...知道嗎..!!!一切都要小心呀..!!
I MISS YOU FOREVER..!!
永遠都愛你既
小鴨B 敬上
