大風吹...
今日..都唔知做咩..咁鬼大風架...!!!吹到我成隻鴨雪條咁...!!!返到公司..做埋d手尾...!!!咁又係"閒..閒..閒.."o勒..!!!
今日晏晝我地就同左"竹高精"去apm食晏....因為佢今日係last day嗎..!!我地就揀左.."意粉屋"食晏...!!!d野都幾好食呀..!!
食完晏...就去做埋d"加工"手作仔啦..!!!誰不知..比個"黑椒"玩死...!!算..我睇你玩咩花樣...!!!
放工行去搭車..嘩...又大風..又密雨...!!!好彩..快有車咋..唔係呀...淋雨都淋死我呀..!!放工果時..."型仔"打比我...話搭車去魚街買魚糧喎..!!佢話喎...d魚糧又比"leo"食哂啦..!!死啦...今晚..唔知"leo"會唔會變成"滕條炆狗肉"煲呢...!!!
哈..我個friend"達達"同"沙灘貓"抗儷...聽日會返到香港啦....!!!佢地重會留成個月先走呀..!!!祝佢地既婚禮...一切順利啦..!!!^o^
特別新聞報導...!
傻 狗 涉 廚 房 盜 竊 襲 "型 警"
一頭身穿黃啡色狗毛外套...中等身材既"曲架"狗...疑在晚上九時半許在屯門"啦啦樓"某單位...涉嫌偷竊廚房的垃圾桶內一張"帶有蜜糖味既包裝紙"...!!!
案情指出...事發在晚上九時半許...戶主各人都正在"安坐家中"睇緊"施工奇案"大結局...!!!疑犯"曲架"趁戶主不溜神...!!!乘機爆竊廚房內一個垃圾桶...偷取桶內一張"帶有蜜糖味既包裝紙"!!!誰知...疑犯在逃走時...留下包裝紙...!!被女戶主"jan jan"及戶主"女友"發現....!!!即場報"警"!!"型警"接案到場...立即手持"雞毛掃"追捕...!!!"型警"在追捕其間...連發兩滕...!!!疑犯反抗..."型警"再發一滕..終於...制服"疑犯"....帶返"警"署!!!經過...十分鐘審訊....!!法官"型仔"指出鑑於"疑犯"有多次偷竊記錄...多番警戒亦毫無悔意...而在最後一次犯案時襲警...應為案情嚴重...!!!故將犯人...全部財產(狗糧)充公...!!!
記者：小鴨鴨報導完畢~~
過度活躍症...!!
連接琴日上左大陸..做"PR DUCK"...!!!原來呢個..."俄人"唔係咩洋鬼子..!!!佢只係去左"俄羅斯"讀書既一個中國人..佢個人都幾好架..都幾nice!!!之後我就咁..成晚就同左佢地一齊行街...食野..!!後黎..等埋"阿嬌"上黎..!!我就以為走得啦..!!!點知...原來唔係走呀..!!佢地帶左我去一間叫做"世外桃源"既按摩中心...做按摩...!!!咁樣一玩...就差唔多玩到成..六點鐘...!!!然之後..就拿拿聲...趕住返香港啦..!!!返到屋企..都成..八點...係咁易訓左一個鐘..就起身梳洗..之後..就去搭車...入屯門..!!!
入到去都已經十一點幾啦...!!!上到去..重以為..."型仔"已經去左返工啦..!!!點知..原來佢重響到訓緊覺喎..!!咁我咪去摷醒佢..問個清楚羅..!!原來佢..今日唔駛返喎..!!!呵~~呵~~咁之後我就去買野返黎食...重有睇左"哈利波特"...!!!都幾好睇呀...!!!睇到六點幾..我就去買"食送"煮飯..!!!我重買左"糖不甩"..做甜品...!!好味...
食完飯之後...就緊係睇埋套"施公"大結局啦..!!!之後..就走啦~~
唔知點解呢...我好似有"過度活躍"咁...居然成日都唔係太眼訓...重整lee整路...好似唔倦咁..!!
做隻 "PR" DUCK...!!!
今日成日黎講都好鬼死悶呀..!!!鬼咩星期六..係無咩心機去做野架啦..!!!真係..就算有野做呀..個都好似唔係好想做咁..!!睇到d字稿...就眼訓啦..!!!都唔知點好..!!
今晚..我就上去大陸...做PR呀...!!!要陪"阿sa"同佢個"俄人"食飯...!!!其實可以唔去架...!!但我又應承左"阿sa"咁就算啦...!!!"阿sa"佢叫我四點鐘就搭黃崗車啦...!!!唔知今晚食咩呢....!!!夜D..就輪到"阿嬌"上黎陪果個"俄人"..咁我就同"阿sa"返黎香港o勒..!!yeah~~~
星星包...!!!
"蒸高包...蒸高包....蒸高..星星包"...!!!呵~~~呵~~~
小鴨仔..又手仔痕啦..!!就整左d星星型既包包..!!不過...唔係太好...我會再研究下架啦...!!!
大家..睇住少少劣貨先啦..!!下次會好d架啦..!!
而味道呢...都ok..不過..就硬左少少..!!!可能有d薄左啦...!!!
恭喜哂...恭喜哂!!!
好開心呀...放工果時.."辣椒仔"打比我呀..!!!當打比我就當然係有佢目的啦..!!!而我亦都有我目的啦..!!佢話比我知..."佢有談戀愛既感覺啦..!!!"嘩..!!我無聽錯呀...!!佢個衰婆...呢幾年都唔接受任何雄性動物既招手....!!!哈~~~估唔到...終於都有個男人打動到佢芳心啦..!!!真係開心呀..!!哈..其實聽到佢把聲..一講起果個男人...起哂痰咁..!!!就知道..未到十月就有"芥菜"食o勒..!!!哈...
不過..我真係好替佢高興架...!!!唔知呢..!!!佢係我唯一....一個對於佢既戀情係會比較著緊..!!!真係唔知點解..!!!當佢send sms比我..!!!我一睇完..嘩..真係...開心到..彈起..!!!重驚自己會錯意...!!!重去查埋字典...添呀!!!不過..無論點都好...我真係好開心呀..!!!希望佢地會成事啦..!!!
Dear My Girl Friend :
觀察還觀察呀...!!!唔好等得太耐..."蘇州過後無艇搭"呀..!!加油呀..!!!
就係咁樣..我不知不覺咁就響"桔朱島"推住車仔....傾住電話..就行左個半鐘...!!!一路傾..一路執..!!!咁就執左成車野..!!!嘩..比錢就..."杰"啦..!!!
無聊..!!
琴日同今日都好無聊呀...!!!今日成日都好無聊呀..!!上晝都好d啦..!!!下晝就真係難過呀..!!!等鬼死咁耐先得果一個鐘...!!
琴晚重衰..."小寶寶"約我去"肥仔漫畫屋"到羅書啦..!!點鬼知...個衰婆又遲到喎..我足足等左佢成個鐘頭呀..!!哼衰到死...!!!不過..算啦..!!!鬼叫佢送左包"維尼"日式咖喱汁...比我..!!咁我就算啦..!!!之後咪上去羅..!!!鳴~~~摸門釘呀...!!!佢閂左呀...收左工呀...!!!!鳴~~~~~~
咁我同"小寶寶"咪走羅..各自返屋企羅..!!!
而今晚要去同我姨婆食飯..嘩..去到香港仔咁遠添呀..真係海洋公園都去到啦..!!!^o^
不過..弊o勒..!!!幫唔到"型仔"去訂"dog food"添..!!!真係唔好意思啦..!!!以..唔知"Leo"有無野食呢..!!!
魚樂無無...窮...!!!
今個星期日..我好充實...!!!"型仔"接左我之後..就車左我去"金魚街"之後..就返左佢屋企...!!做咩..??我咪響到..打機...玩電腦..上網...!!!而"型仔"呢..佢就好玩啦..!!!玩咩..??將成個魚缸反轉黎玩羅...!!將成個魚缸...重新改組...!!將成個樣變哂..!!!當佢整完個魚缸之後..再放返d魚仔落去呀..!!
嘩..我睇到d魚仔...慌失失咁呀..(mo仔話唔睇左自己間屋...一定係比政府收左樓呀..!!鳴~~鳴~~)!!
!!!
哼...以家唔只.."型仔"有得"魚樂無窮"呀..!!我都有啦..!!!點解..??事緣咪佢缸魚成員之中..有條叫"三點白"既魚仔 左"思覺失調"同"嚴重暴力傾向"..呀!!!"型仔"就唸住送佢去外國留學浸咸水(即係沖去廁所)..!!我當然求"大人"..."手下留情"..啦.."三點白"都係年少無知...o者!!!於是乎..."型仔"就話不如比我養o勒..重加多左兩條藍魚仔呀..!!!^o^
我地又再去"金魚街"....買左d裝備..同一個小小魚缸..就返去我屋企..!!!食完飯之後..就裝修下間"屋"啦..!!!"型仔"重教我點樣去調校咸水啦...!!幾時要換濾水綿啦...!!餵幾多野食啦..!!但係..都幾難架...!!!我真係驚..我校得咸得緊要...條條變哂"梅香"呀..!!!
寧靜假期...完了~~!!
經過左呢..三日..寧靜既日子...!!又要回覆返...煩厭啦..!!!鳴~~~
不過..呢兩日都好開心架...!!!!又同過"朱媽媽"同埋"阿細"去灣仔.."波士頓"食扒啦..!!!之後..就同"阿細".."四眼仔"...去左銅鑼灣..行街..飲野..!!!返到屋企都成..十二點幾啦..!!
到左星期四..放工果時就爆笑啦..!!咁我都習慣左放工會幫"養陰丸"同"計數機"入水樽既..咁呢排.."養陰丸"已經淨係用杯飲水架啦..!!咁我行過..眼角尾就睇到.."以..養陰丸杯水..點解會有條電線響到既..??"咁當然就行埋去睇下啦..!!個死仔...重要懶勁咁同我講"咩呀..你唔問我野..我係唔會理你既.."(-_-'低能~~)我都費事理佢..!!我再睇清楚佢隻杯..原來佢將..個耳筒..丟左落杯水到..!!重要係..前兩日已經丟左左邊耳筒架啦..今日又丟埋右邊..重要係唔係丟左落去..幾耐..!!!真係..頂佢唔順呀..唔通..浸過水既耳筒...真係好用d..!!..放工之後..就約左"小寶寶"食飯...!!!我重將呢單野..爆比佢聽..笑到佢連飯都噴出黎呀..哈..哈..!!!食完之後..就返學啦..!!!雖然無返一日學...但都唔係miss左好多野o者..!!!好險呀..!!
到左今日..整體黎講都係好平安...!!少左d..小人黎煩住哂啦..!!不過...我以家發覺左..我爛口左呀..!!!(鳴~~鳴~~)鬼咩..跟得.."軟綿綿"多啦..!!!句句野都會加個"拿"字...!!呢個字..響邊一句都會有佢既用處..!!例如.."你去邊拿到呀??".."痴拿線架..??".."唔拿係呀..??"..."攪拿錯呀..??"..."點拿樣呀..??".."食咩拿野呀..??".."去邊拿到呀..??"等等...真係..應有盡有...曾出不窮..!!第日..如果我唔覺意講出以上既...句子...!!唔好意思呀...!!!"拿字上腦"呀..!!!哈..哈..
情人節~~
今日係一年一度既情人節...!!!心情..真爽~~
放工果時..公司d人梗係拿拿臨走啦..!!個個都趕住去會情人..!!哈~哈~~
今晚我同"型仔"就去左銅鑼灣食飯..!!!我先前已經問佢食咩架啦..!!佢就話去街邊"督"魚旦喎..!!!o下??!咁如果d人問我情人節食左咩..!!!我唔通同人地講..."哦..兩串魚旦...一串牛什..再加餅雞旦仔..咁啦..!!"
去到SOGO等佢...!!!鳴~~~鳴~~等左好耐佢先黎到...!!!真係企到腳仔軟呀..!!!之後..佢就拖住我一路行...就去左地牢既超級市場...!!O下..!!!做咩樹要去呢到呀..!!!唔通買野返屋企煮..!!!終於..攪左一輪..原來佢就係響果到果間...CAFE..訂左位..!!同我食飯...!!!哈~~傻瓜~~
而今年佢送比我既情人節禮物呢..!!!就係一對情侶介子...!!好靚架..!!!不過..我果隻就緊左少少..!!!而我送比佢既呢..就係一部..600萬像既數碼相機...!!!哈..佢話份禮物收上手..咁重..就知道唔少野啦...!!是但啦..!!!希望佢鐘意啦..!!!
今年既情人節...好開心架...!!! "型仔, Te-amo..!!"
情人節朱古力...!!!
哈...成功啦...!!!成功啦...!!!
我整成功左"心心相印"啦....!!!!yeah~~~~
你地睇下...靚嗎..!!!哈...
但原來...唔可以...唔入雪櫃架...!!!
而用硬帽..又會變哂型..所以..各位..sorry啦..你地無得食啦..!!!
星期一..!!!
今日好眼訓呀..!!!或者琴晚訓得唔好啦..!!!因為我聽到"型仔"響隔離房...係咁"惡...惡..惡"..就知道佢一定係胃氣頂住..訓唔到啦..!!!其實我都已經比胃藥佢食左先架啦..!!點知~~
今朝叫左佢起身..佢又起唔到啦..!!或者..佢又係訓唔到啦..!!!咁我咪走羅..!!
返到公司..今日都好清閒呀..!!!到左晏晝就去左braking到買左d整朱古力既用品...!!!唔知道整得成唔成功呢..!!
聽"軟綿綿"講..佢隻"叮噹"好似嚴重左呀..!!!話個心發大左..所以頂住個肺..所以有氣喘..!!!雖然醫生..加大左藥份..但好似無咩作用咁..!!唉...實擔心死佢啦..!!!
放工之後..拿拿臨返屋企...整我既朱古力...多左出黎既...朱古力醬呢..我就整多左幾個花..!!!聽日可以比公司d人試啦..同埋比"jan jan"試下!!yeah~~~
唔知..好唔好味呢...!!!好緊張呀..!!!好啦..唔講啦..重要把禮物呀..!!!
收工~~~
曲奇日..
今日自己入屯門...約左"jan jan"響"桔朱島"等..!!!我地食完個早晏餐之後..就去買野o勒..!!咁唸住去..買野...整蛋糕架...!!點知行行下...就轉左...整曲奇o勒..!!!哈~~女人真係.."五時花.六時變"..!!其實係..新屎坑..買左個曲奇帽..咁就可以印公仔...!!呵~
返到屋企..坐坐...睇電視..!!!咁就開工整曲奇啦..!!!整好左d曲奇..反正要雪一雪...都係要等..咁當然係去眠一眠啦..!!!到左六點幾..就開工吸公仔啦...yeah~~
叮...焗起左啦...!!唔..不過..有少少係燶..而又有少少都唔錯既..ok啦..!!!
之後..我地就出左去食飯...今晚係食..潮州野...!!!幾好味咁啦..!!!
星期六...悶日..!!!
今日..”軟綿綿”好似唔係好開心咁呀..!!成個樣都成個”謝四哥”咁..!!!唉…就梗係啦..因為佢隻”叮噹仔”羅…!!!聽佢講..琴日都係咁氣喘架啦..!!!今日又係咁..!!所以..晏晝..佢家姐會帶”叮噹”去睇醫生…!!所以佢成個人都謝哂咁啦..!!!唉…希望”叮噹”佢..無事啦…!!!!
所以呢..放工呀…”軟綿綿”去得都特別快架..!!!
放左工之後…就唸住去九龍灣…幫”型仔”羅隻錶去換錶帶..!!!咁o岩…”阿神”又黎左喎..!!咁咪搵埋佢一齊去羅..!!!先先去左…官塘amp既無印..睇下有無整朱古力既野賣…!!!點知又無..咁之後..就去左九龍灣…果間錶行啦..!!點知..無左喎…咁為有再行去…淘大果邊啦…!!點知都係無…(鳴~~激死人啦…!!!)!!不過…我居然響淘大商場…有個叫”創業坊”既地方…!!!!買左一隻木製既貓貓….呵~~呵~~
到左…夜晚..”雞包仔”傾完佢個長途八卦電話之後..就黎轉述比我聽啦…(重話自己守得秘密喎 -_-‘)!!但聽聽真係好眼訓架..!!因為都唔係好知..!!同埋..又唔關我事..!!!
超低能...!!
今日既時間都係咁啦...!!!忙又唔講得...閒呢..又唔算..!!!不過..我知道佢地今期又有新話題啦..!!!"阿sa"佢地去報警...告"西門吹雪"啦...!!!!公司又好似...周轉唔黎啦..!!!但其實歸根究底..都係佢地兩兄弟...!!!所以"雞包仔"每次講咩無錢....我地都係咩感覺...!!因為..事實係同我地公司各人無關..!!
放工之後..就約左"小寶寶"去食飯...!!!響佐敦既永安門口等佢..點知..佢望左我好耐..我都睇唔到佢..!!其實唔係睇唔到..係認唔到...自從佢換左個眼鏡之後..我真係成日都認唔出佢..!!咁之後就去左"翠華"啦..!!!嘩..送左個贈品"屎露脾"比佢...!!!開心到佢個樣呀..!!!食完飯..咁我就當然係去返學啦..!!!點知...出事o勒..!!上到去..以..點解入唔到去既...!!睇下門口貼果張紙...!!車~~~~~"二月十日..照常上課"...!!咁咩呀..即係點呀...!!今晚我點呀..!!!未開工..早響呀..!!唉..樣衰衰..又搭車..返屋企..!!!
好野.."型仔"返工啦..!!!佢呢兩日都有上堂..不過..佢好似好苦惱咁..!!鬼咩..一下子..要記哂所有咩街道呀..大廈呀..咁..!!平日揸車就易啫...!!要記喎...!!唉~~~~
清閒日...!!
今日係假期之後既第二日...都算好清閒啦...!!!唔係太忙...!!呵~~呵~~~
放工之後..就約左"小寶寶"出去飲野...!!!雖然短短一個鐘..都叫做鬆一鬆呀..!!!佢就慘啦..!!!忙到"屎"呀..!!
今日呢.."型仔"就去左同老細飲茶...!!唔知佢幾時可以開工呢...!!!希望快d啦...!!!放工打比佢...哈..原來佢去左打桌球喎...!!!佢就好玩啦...!!!佢成個新年都同我一齊...都係時候要搵d"朋友活動"活動下架啦..!!!如果唔係..容咩易對我厭架..!!!哈~~哈~~
好啦..今日係咁多...收工..!!
狗年的....悠長假期...總結!!!
呵~~~咁就放左個新年假o勒..!!!我差唔多由年初二起...一路都馬不停蹄咁..出街..!!!
初二同初三就響澳門行大運啦....!!!哈..因為大部份時候都係行....行...行...!!響咩"議事前路"都行左五次以上...排樓果條人迫迫既路..都行左幾次..!!真係唔會盪失路呀..!!!去左"漁人碼頭"啦..某d地方都唔錯既..不過....因為機動遊戲無開啦..而有好多野都未起好..所以都未知好唔好..!!!不過咁..!!都開心架...食到一間..."沙利文餐廳"..食到正宗萄餐...!!!正~~!!另外...就係居然係個街邊食到..."翅"..!!唔係普通街邊果d隻野...而係真才實料...咸火腿湯底...竹生..肉絲..最重要既就係.."真翅"...!!!好味..!!
到左初四...就係陪"型仔"同埋佢d"老死"..去大圍"車公廟"拜"車公先生"啦..!!呵~~"型仔"重響果到買左個"玉兔仔"比我..因為今年我犯太歲嗎..!!!而佢自己都買一隻..!!重有.我地一人一個葫蘆仔啦..!!今年好好呀...可以去玩轉風車同埋打鼓..!!!拜完就去左飲茶...!!!之後去買野準備第二日燒野食...!!地點就係響我屋企...對上既效野公園啦...!!!咁醃野就當然包響我身上啦..!!!不過.."型仔"都好好..佢都幫我手..!!!幫我洗野啦...幫我落份量啦..!!!嘻嘻~~
到左初五..就晨咁早起身...(好眼訓呀~~)就去效野公園...!!今次佢有一兩個friend我都係第一次見...!!!睇見佢地..又仔又女...一家人咁..真係開心呀..!!燒到中段..就係休息既時候啦..!!!一班男人就當然係圍埋玩啤牌啦...我地呢班女人仔就傾下計...細路就響到走黎走去玩!!!
到左初六...終於都有返自己時間啦..!!"型仔"就陪我去"玄圓學院"拜阿"女麻"..順便拜埋太歲啦..!!!之後..我地就去左"4G"屋企同佢拜年O勒..!!坐下..傾下計...咁就坐到六點幾..!!咁就返屋企啦..!
到左初七..訓醒起身..就食野..之後...就去左.."寶蓮燈"到屋企..同佢拜年..!!!其實今年係第一次同佢...亦都係...佢搬左之後..第一次去佢屋企..!!咁新屋就係靚架啦..又新..又整齊!!!而呢晚呢..就去"型仔"屋企食.."人日做節"飯...!!!好多人呀..!!!
最後初八啦...!!!亦都係假期既最後一日...我地兩個今日反而無出街...淨係留響屋企休息...!!!或者...出左咁多日..都係時候冷靜下啦...!!!"型仔"就更加啦...!!!我唸佢會覺得返工都無咁辛苦呀..!!!哈~~哈~~
至於返工既第一日...!!!以我呢把"出口成詩"既咀...所有"已婚人仕"邊走得出我五指關呀..!!!呵~呵~~呵~~~咁我一日就"豆"哂所有既利是...!!!不過...第一日返工就好唔"老黎"啦..!!!事緣..公司四號室..出左名...係"凶宅"啦...!!開咩衰咩...!!!真係....我今日一開門...好心去睇下D魚啦..!!!嘩....睇完...真係..D毛管由腳到頭全訓都企哂響到...!!!成缸魚都"叮"得好慘烈呀..!!!條琵琶先至係...好似潛水艇比魚雷炸反左咁...全身傷痕累累..之前比人虐待呀..!!!而果D鯊魚呢..就好似比D氣球包住左咁....起左個"毛"膜!!!總次一句講哂...!!!又殘忍呀..!!!
今日返工既時間過得真係快..!!!
