唔想返工啦!!
嘩..琴晚三點幾.."型仔"走入叫醒我..!!真係嚇鬼死呀..!!你知啦..訓到朦朦鬆鬆...都唔知咩事架嗎..!!原來佢胃痛..佢問我有無胃葯...!!咁我當然去搵比佢啦..!!佢食完葯返返佢房之後.我就再訓o勒..!!..一訓就到左今朝o勒..!!(或者去完行山..係倦d架啦..!!)
今朝走去叫醒佢啦..!!!佢話我知差唔多今朝六點幾先訓得著..!!!咁我咪唔理佢..自己出門口先羅..!!!等佢訓啦..!!!嘩..返到公司都遲到呀..!!!今日真係唔想返工架...!!真係好倦呀...!!!眼訓到死...!!!"朱媽媽"佢一返黎咋..!!!佢就已經開始講佢個"青島之旅"啦..!!不過..其實..佢講既野..我都已經聽過架啦..!!!因為"雞包仔"都有去嗎..!!!咁所以..我咪無咩心機聽落去羅...!!!返正..來來去去都係果"幾味野"..!!悶啦~~
好啦..今日都係咁啦..!!得過且過...過得人又過得自己~~~
城門水塘...一日遊..!!!
今朝早..約左"型仔"十一點鐘響荃灣地鐵站等...!!!我地食完食之後..就去82號(荃灣→城門水塘)VAN仔站排隊搭車...!!不過..多人到呀..排隊都排到水蛇春咁長...!!好犀利呀...!!我地都等左成四..五架車先上到車..!!一開始就響菠蘿壩果邊上山(其實應該由燒烤場開始係最好!).....!!!沿途都有好多密麻麻既大樹..!!咁中途呢..就有d小路可以行落去水塘邊...!!!都幾靚架..!!!而沿途重有好多馬騮咁響行人路到走黎走去..好似當你透明咁..!!行到半路..就係就有條"緩步徑"咁就係..沿著水塘邊咁行既..!!!個景都唔錯..但係..就會辛苦d..因沿路係無得休息既..經過"竹林"果到都幾靚架!!!不過好彩..行到大半程...終於有個路口上返去山路..!!!咁我地就行返上山o勒..!!!行到尾後..!!我地就去到水塘既"主霸"啦!!!!之後就經過..燒烤場(不過..唔知點解d燒烤爐係要企響到黎燒既呢..!!)..!!!就無野睇啦..!!!咁之後..完成整個四個鐘既行程o勒...!!!(好啦..遲d先post d相上黎啦..!!)
我地回程返屋企..都差唔多七點啦..!!!"型仔"今晚就響到食飯..同響到訓...!!我地今晚重睇左"大丈夫"..!!套戲好攪笑架..!!成班老公就背住老婆去滾...!!但d對白呢就好似"無間道"咁..!!好攪笑架..!!
星期六...快活日..!!
今日好開心呀..!!!星期六..放半日..!!!yeah~~但唔知點解呢..今日既時間都過得好快..!!!d時間重快到..唔夠用添..!!!犀利呀..!!放左工之後..我就拿拿聲咁走去搭巴士出尖沙咀啦..!!!今日約左"阿神"同"小寶寶"出街...!!本來唸住去唱K架..!!但點知..太貴啦..!!所以就無去到..反而去左行街街..!!!去左食越南野..間野都幾好食架..!!!響寶勒行...叫榆林..!!都幾正宗啦..!!
之後又去左..美麗華果邊...!!!就響呢到買左我生平第一條.."呢快屎"牛仔褲...!!!哈..好開心呀..!!!原色..無洗水...!!!超正~~咁當然..我係有買野比"型仔"啦..!!!
行到六點幾..就要返屋企啦..!!今晚要早D訓先..!!!因為聽日去"城門水塘"呀..!!好開心呀..!!!難得嗎.."型仔"話同我去呀..!!!緊張死~~
哈...哈..
新留言版!
今日我好唔舒適呀....!!!個肚又痛...個人又倦....全身乏力...四肢麻痺....頭腦又遲鈍....!!!呢d..都係...食左"腐竹蛋糖水"既關係...!!!
自己唔好啦...!!!手多多啦...!!想換個好d既留言版..!!點知就...唉..!!!攪到咩都變哂..!!!激死人啦...!!不過..好彩..有"蕃薯"幫下手咋..!!!真係多謝佢呀..!!!^^好啦..好啦..好野啦!!!有新留言版啦...!!!yeah~~~
今晚放工之後..我就去完成埋我件"溫暖牌"啦..!!!!yeah~~~開心死呀...!!完成啦...!!!靚哂(我自己話)!!不過..重有一件排緊隊..等緊我織埋...!!咪就係"阿神"果件羅..!!!個後幅我織好左架啦...!!!以家開始織前幅既"扭繩花"....!!!嘩~~~~~好難呀...!!!又幾多針高..又幾多針低...!!!真係針到頭都暈埋呀..!!!師父都叫我織過第二隻花架啦..!!!但我又唔想羅...咁又難得"阿神"鐘意...!!算啦..難d就難d..!!最多..織慢少少羅...!!
而我搭車果時...!!"jan jan"..!!打比我..!!哦..佢去完旅行返黎啦...!!!(唔知好唔好玩呢..!!!)佢問我"型仔"個電話號碼...!!啋...原來..佢無話到比佢屋企人知...佢轉左號碼...!!!攪到呢...成家人都搵唔到佢...!!攪笑~~
悶日..
今日又係一個悶日...因為其他野都做好哂啦..!!都咩趕o勒..!!!所以..今日可以...為所欲為...打機..!!!今日玩左"馬仔"..個網既新game..!!!都幾好玩..!!!原來佢幫"道地"又係整左個game..不過..佢好似只係..畫公仔..但都好好玩呀..!!雖然..佢既game都係"大同小異"...都比大家..試玩下啦...
道地綠茶遊戲今日係"沙灘貓"做"激光眼"手術啦...!!!唔知佢點呢....!!!好緊張呀..!!!聽佢講..做完手術..之後..就最好唔好出街..因為初期..隻眼又唔係好見得光..!!!希望佢快d好返啦...!!!不過..原來做呢d"激光眼"都幾貴架...都成萬蚊架...!!!嘩~~~
今日又返學啦...!!!今日粘土班..又做另一d生果啦..!!不過..我上完呢個..我唔會再上架啦..!!真在係有"搵笨"既成分...!!所有野..佢都只係做比你睇一次..但總係無機會響上堂果時做..!!其實..睇一次又點會記得呀..!!!
屈原..!!
今朝早..一早返黎...就令到我.."頭霧三丈火"啦...!!!事緣..今朝早..我一出lift就見到阿"魔鬼"滾水"碌"腳咁走..!!!咁都算啦...!!!到晏d"寶蓮燈"返黎..!!!佢話我知."雞包仔"擺左份野比佢呀..問做咩要個廣告客...比錢訂閱呀..!!話明係free架嗎..!!而另一張就係"魔鬼"寫既fax字條..重已經係寫哂道歉字句...又話退票....!!點知..到"寶蓮燈"打返比果間公司..人地話.."係呀.我地公司想訂多本咋..!!"好啦..安樂o勒..!!!之後.."雞包仔"再打返黎...都可以唔係問我..佢走去搵"4G"喎..!!好啦..問都唔問清楚啦...無拿拿又走去道歉...無拿拿又話退票..!!無啦..咁就無左個訂閱...無左幾百蚊啦..!!!我fax比人果張野都寫左自己名啦...!!咁都唔問左我先..!!呢咪叫"偷雞唔到蝕渣米"羅..!!想屈我做錯野..就屈唔到啦..重攪到連個訂閱都無埋..抵呀..!!
"雞包仔"響青島..比人羅左個皮o急...!!!無哂d衫啦...鞋啦..!!"軟綿綿"問我係咪好開心..!!咁又唔係喎...!!係無感覺羅...!!唔知點解呢...!!!淨係覺得..."下..係呀..!!"其餘既野..都無再去唸..!!!我係咪好衰呢...!!!但係我個心..真係無左對佢"關心"既感覺...!!!
今日同"沙灘貓"傾左成日..佢又同我傾左d結婚既野啦...!!講下佢d小唔開心野啦..!!唉..越近大日子..個人就會越擔心..!!係呀..佢聽日做眼手術啦..!!好緊張呀...!!不過..佢要乖乖地啦..因為做完手術..唔好周圍走啦...!!^^
道歉狗呢隻狗仔..好得意..好攪笑架..!!
唉...衰左..!!
今日一朝早都唔知做咩..!!無端端就比"雞包仔"攝到位...!!咁講真..我又真係衰...就係唔睇清楚..!!!就比人攝到位啦..!!又衰我呢排..多成日都同"飛機軟綿綿"成日都傾計..又玩..所以又比人攝到位啦..!!不過..最好笑就係...今日比我聽到"雞包仔"用內線..去搵"黑椒"..!!內容好似係話佢用錢..用得多..!!個個月都..xxx咁多..!!!邊有咁多野買呀..!!!(跟住就聽唔到啦...!!)好o勒..!!"黑椒"就係咁架啦..!!上晝比人鬧完..下晝就...唔比D SALES寄書啦..佢同個SALES(指肥叉燒)講"唔好寄啦..寄外埠咁貴...要慳D啦..唔好寄啦..!!"..!!少爺..唔好玩啦..!!!公事就叫人慳D..私事就叫人梳爽D..!!!玩完未呀..!!唉~~
唉..今日唔順利呀..我都係出街啦..!!我今晚就出街行下...散下心...去o下師父到整埋件"溫暖牌"..!!之後..就再同"阿神"去行街...!!!YEAH~~
琴晚.."女人仔"打電話..比我..!佢話佢屋企對面樓..有人投訢佢屋企D狗嘈喎...!!佢咪激鬼氣羅..!!成條村..家家戶戶都養狗架啦..!!果氣友又係既...!!痴痴地..!!
我以家先知道..原來.."軟綿綿"本身係有份"副業"架...!!佢份"副業"重好high..重好高上架..!!!返工就遠d...要去到airport到做野..!!佢做咩野..??咪做"指揮飛機升降"既"指揮員"..羅!!幾好呀...話升就升..話降就降...幾時"放飛機"都得....!!!!恭喜哂你呀...!!!哈~~
特別鳴謝
今日..我要特別鳴謝果位好心既...年約四十歲..高等身材...身高六呎幾...大肚腩...小禿頭...中年男士...!!!!!!好多謝你呀...!!!你實在太好心地啦..!!!真係好多謝..好多謝你呀...!!!
黑仔記...!!
今日都唔知做咩事..!!!個人好似...傻左咁..!!!
今日一早起身..咪拿拿聲去梳洗啦..!!之後..咪叫醒個"懶鬼"羅..!!!激死...叫極都唔起身...!!!淨係話.."唔對路啦..訓得唔好呀..!!!"唉...之後..我都費事理佢..自己出門口返工羅,..!!
今日睇到"沙灘貓"既日記..先知道佢..同"達達"一齊病左.,..都攪到佢地兩家人都一齊病...真係"圍內感染"呀..!!希望佢地快d好返啦...!!
返到公司..趕埋d地址lable比"朱媽媽"..!!但係就唔知做咩呢..成個人好似好倦...好想訓...好唔舒適..又想嘔...!!!我都未曾試過..可以響廁所都訓得著呀..!!好驚呀~~~
返到屋企...坐左陣..就發覺唔見左個電話o勒..!!!嘩~~~~~~~~~世界末日啦...!!!點算呀..!!!我當堂發哂癲咁..!!我叫屋企"阿d"幫我一路打著個電話..我自己咪走去...等架van仔羅...!!!越等..個心就越亂...都唔知點算好....!!!!鳴~~~~(型仔..對唔住呀..!!!)
等等下..."阿d"就走落黎叫我...佢話有個男人執到我電話..叫我九點半..去"官塘碼頭"羅返...!!我聽到當堂個心都定左...!!!好彩...你知啦...香港地..邊有咁多好心人呀..!!!佢地執到電話..分分鐘都羅左去賣啦..重邊有咁好死..比返個失主呀..!!!不過咁..我亦都打電話比"阿sa"叫佢陪我一齊去羅返..!!你知啦...點鬼知佢係咩人先得架..!!!希望...可以羅得返啦~~~
鳴~~~好鬼死黑仔呀..!!!
煮飯仔..!!
今日我好眼訓呀..!!鬼咩..琴晚成兩點幾先有得訓..!!!今朝無拿拿..八點幾就醒左..!!!玩野~~
我今日自己走左入去屯門呀..!!因為"型仔"今日要睇住"AUNT"羅..!!上到去..叫醒左佢之後..就落左街食野...跟住..睇埋套"家有喜事"...!!我就去左訓啦(都唔知做咩事..成日都覺得好眼訓..好倦咁)..!!!
訓到五點幾..!!"型仔"陪我去街市...!我地買左兩隻蚧(因為佢話好耐無食過..!!)..魚啦...西蘭花..肉片..!!咁之後..又去買"湯丸"..同雪糕..!!我今晚整左..西蘭花炒肉片...清蒸肉蚧...鼓汁蒸"倉"魚..重有乳鴿..!!好飽呀...!!!食完之後..我當然洗埋碗啦(本來"型仔"話佢洗架..!!唉..算啦..邊捨得比佢洗呀..!!)..!!睇完電視之後..佢又雪糕..又湯丸咁..!!真係飽死我啦..!!!到左十點幾..佢唸住車我返屋企..咁今晚順便響我到訓...!!點知..一上車..一撻..!!以~~點解..無反應既..!!原來佢果日無閂車既燈..攪到架車無哂電..!!!唉..真係..!!無啦..咁佢咪陪我一齊搭巴士返屋企羅...!!!!返到屋企都成..十一點幾啦..
馬交飲宴..!!
今日真係開心啦...!!!終於都可以響..咁多人返工既時候...!!自己就放半日啦..!!!哈~~哈~~~無他既...佳因我表妹結婚嗎..!!!咁我d姑姐去..咁我當然都會去啦..!!!
我地去到"馬交"第一時間..就當然係去...以往去開"水池廣場"果邊..出名食麵既"堂記"食麵啦..!!點知~~~執左笠喎...!!!點解會咁架....oh my god....!!!我地為有去"黃枝記"到食啦(但我係一路都反對架..!!)..!!果然..係一間超極~~~"難食"既麵家..!!我同"4G"拿拿聲食完之後..我就帶左佢去食...鍋貼..生煎包...重有炸雞腎...!!!超好味呀...!!!我地跟住..就去左"手信街"...買野食啦..!!"型仔"又落左ORDER..話要"脆肉乾"嗎..!!咁我就買埋..杏仁餅啦..同鳳凰卷..!!YEAH~~~~
跟住..我地就去左探.."姨婆"啦..!!!哦~~睇見佢就..慘啦..!!行又行唔到..成個人又彎埋咁..!!但佢又好清醒架喎..!!!我地每一個佢都識得出架..!!醒目呀~~
到左八點幾..我地先至去酒店(因為馬交酒店多..所以..咩人都可以響酒店擺酒架.!!)!!去到..嘩..!!!我表妹..都唔同以前細個咁啦..!!!不過佢走左樣...!!!但係..估唔到響呢個場面..亦都出現左一個幾攪笑既場面..!!!!個新娘佢換左套婚紗之後..嘩..靚哂啦..行左幾個圈!!!點知..響呢個時候..佢無端端咁響到"指手畫腳"O勒..!!!咁我響到唸..做咩呢..(因為我呢個位咩都睇到哂嗎)!!!原來..佢個四吋高既燙斗居然響呢個時候甩左喎...!!!我睇見佢"跣"下"跣"下咁行...!!!臨走重連個鞋底都留低左響條路到..!!!唉~~真係收家呀..!!
我地飲完都成..十一點啦..!!!咁我地就當然係拿拿聲咁趕去搭車..再去碼頭買飛...!!!想趕十一點三果班架..最後都係趕唔到..都係要搭十一點半...返到香港都要...十二點幾...!!!再由中環返到屋企..都成點幾...到訓得..都要兩點幾...!!!鳴~~~好眼訓呀..!!
烏雲密佈!!!
今日D人既面口..唔知點解..咁"黑"..!!黑到好似鑊撈咁..!!!最醒係"魔鬼"..一早就走..都無眼睇..!!!算啦...!!反正..事實都已經講哂..佢地再屈..都無咩可以比佢屈..!!以家都係等"秋後算帳"O者..!!無野既..!!!
好野啦..今日我盤果籃..完成啦...!!!YEAH...等我影左相再POST比大家睇..!!!^^
小文章
如果你好愛...好愛一個人!!!!
如果你好愛一個人...一定要快d話比佢聽..唔駛驚佢覺得"以..咁肉麻既.. "
因為"能愛"同"被愛"都係一件好事
如果你好想..好想...一個人...一定要話比佢聽..!!
因為"思"念同"被思念"都係一種莫大既幸福..!!
時間好充足架咋...生命好短暫....!!唔好以為...以後講都唔緊要啦..!!
因為生命幾時完結..係我地唔能夠預料..唔能想像既...!!
"緣份:其實好薄弱...佢只比我地相識既機會...
如果你只係等待....等待對方懂....等待對方明瞭..!!
咁..可能就永遠無呢個機會去相愛架啦..!!
"緣份"兩個字拆開
"緣"..只能夠期待降臨....!!
"份"..可以用愛去創造....!!
用自己二十四小時去思念一個人...去話比一個人聽...去對一個人好...!!
等佢明白..你係幾咁"真重"佢...!!!
如果你真係用左全身既力氣...全身既心...去愛佢..去話比佢聽..!!
咁或者有一日...其中有一個思念離開呢個世界...但係唔駛太悲傷...!!
因為你知道同佢一齊既所有時刻....都係用真實既生命去愛佢既..
即使再睇唔到佢...以前既生命...都係完全存在響心裡面....!!
或者會好難過...但係睇唔到...依然存在...!!
所以唔駛覺得悲傷....!!唔駛令佢覺得唔安樂...!!
你唔喊..唔係因為你唔愛佢...而係因為..你真係愛佢...!!
所以比佢知道...你會繼續生活得好好...
無論幾唔捨得....當生命黎到一個盡頭....
當..兩個人唔能夠再響同一個世間....依舊你會記得...曾經...
係好愛...好愛...好愛....呢個....一個人...!!!
我是憤怒....!!!
經過..琴日比個"雞包"耍左一晚之後...估唔到今日..真係火紅火綠...呀..!!算..過去..!!
今日..又係忙忙碌碌...既日子啦..!!!
"軟綿綿"今日佢真係無返工呀..!!!鬼咩..重以為佢因為感冒...攪到沙聲...!!點知..醫生以家懷疑佢喉嚨生喎...!!唉..唔知呀..希望佢無事啦..!!!
至於今晚.."小寶寶"同"女人仔"同我食飯呀..!!真係開心啦..!!傾下佢去公司既人與事啦..!!之後就各散啦..!!
今晚返屋企..就有樣特別野發生啦..!事前既野我就唔知太知道..咁"寶蓮燈"就打電話比我..話比我知..今晚阿"雞包仔"唔知會唔會問我野...係關於..八月既展覽會OT問題!!因為我同"寶蓮燈"都研究過..佢地好似想搵人食"死貓"..!!咁好啦..返到屋企..我都等緊佢問架啦(因為我直覺話我知..佢忍唔到既..!!)..!!果然..比我睇死佢地...佢想屈"養陰丸"唔好傻啦..!!果次佢都無去到..!!!咁我當然係將個實情講哂出黎啦..!!所有野都係.."芒痴痴"講既...!!!佢兜口兜面咁同我講..話係"黑椒"會計返OT..比有份去展覽會既人...!!我謂完之後.."雞包仔"就當然.."無話可說"啦..!!!鬼咩..原來佢地以為可以"側側肩唔多覺"既事..!!!比人追討返喎...!!哈~~抵架...!!!等"黑椒"咁鐘意..."順口開河"..!!唔負責啦..!!!抵死~~~
忙碌...!!!!
呢幾都忙到死..!!鬼咩...展覽會完左之後...都無休息過..一返到公司..又要開始做第二樣野o勒..!!!唉...好倦呀..!!!
最慘..琴晚啦..!!好收多左針...攪到又要再拆過又再織過...咁樣攪一攪..又點幾兩點...好
呢兩日係.."軟綿綿"返黎...!!!但係...佢返黎其實都唔知做咩好..佢又無機..又無電話..!!但上頭又落左order...唔比佢幫我地做野喎...!!攪到佢好似比人玩咁..!!!不過...佢返工之前...我已經同佢講過架啦..!!!以家"炆"又有咩用呢..!!!上晏..重話比我知..佢唔做啦..!!!下晏"養陰丸"幫佢拉返條電話線比佢..咁就無得咁講啦..!!
呢幾日..我覺得好煩羅...!!成日都黑口黑面咁...為咩O者..!!!明知架啦...!!!佢唔講比我地知道..就好地地...一講左比我地知道..我地條氣就會唔順架啦..!!!!又做咩要講O者..!!!比我地講得多...自己又唔順氣...!!!又搵D咁低裝既手段..去話返我地...!!!多餘..
唉..唔知呀...!!!今日本來可以完成件"溫暖牌"架啦...!!!點知..又話比我知份野好趕...!!咁好啦..咪"留堂"羅..!!頂~~~~七點半...就叫住走...又話要買野...!!!早D講啦...我唔駛留啦..反正又係打唔哂..!!!妖~~~!!咁就係咁"吹"我走...我都話自己鎖門架啦..!!!又話好驚...都唔知驚咩鬼野...!!!有鬼咩..!!猛鬼大廈咩..!!!
沉悶的星期六..!!
今日係一個和風日麗...既星期六...!!睇到平日既"套裝OL"..."西裝友"..!!佢地今日搖身一變...!!全部變哂"公益金便服日既參加者"..!!又牛仔褲...又人字拖..咁返工..!!到左一點鐘..就斯斯然然咁行出工廠大廈....約埋班FRIEND一齊出去HIGH TEA呀...SHOPPING呀...!!!好爽呀~~~
但可惜...今日呢個日子..係...無我份架...(嗚~~嗚~~)
!!!因為今日要返全日呀~~~
反正今日無咩做..又同大家分享下..一段文章啦..!!
~~~發脾氣的女人最可愛~~~
女人的脾氣常被歸類為無理取鬧，或是任性刁蠻，但是女人的脾氣也是很可愛的。
永遠不會發脾氣的女人就如同一杯白開水 = 解渴，卻無味。
你遲歸，她向你發脾氣，是因為她緊張你，她怕你出了什麼意外。
你喝酒抽煙，她向你發脾氣，是因為她擔心你的身體健康，
她希望跟你長長久久，白頭到老。
你身上被發現有別的女人香，她向你發脾氣，
是因為她在乎你，你是她的所有，她 不想跟別人分享你。
你臭襪子亂扔，她向你發脾氣，
是因為她關心你，她怕有一天你會被自己的臭襪子淹沒，所以她要先把你訓練好。
你忘記她的生日，她向你發脾氣，
是因她對你有所期待，她並不會要求一個陌生人記住她的生日。
女人是最講理的動物，她的脾氣往往導因於各式各樣的理由；
女人也是最不講理的動物，她的理由經常令人無法理解。
女人可以為了一件小得不能再小的事，發一場大得不能再大的脾氣。
因為女人對身邊的男人有所要求，有所期望，所以常常會失望、失落，
因此，女人容易對男人發脾氣。
身邊有個會向你發脾氣的女人，其實是一件多麼幸福的事！
而身邊有一個會讓自己發脾氣的男人，
是對女人最大的折磨，也是莫大的幸福。
所以，男人們別不知足了，有人肯對你發脾氣你應該感到幸福才對呀！！ 其實..呢段文章..我曾經都send過比某d人睇...!!自己都覺得幾得意...!!!男人睇到..就當然唔會接受架O勒..!!但女人睇到呢..就一定會有同感..!!!哈..!!
真係令人發指呀..!!!!鳴~~~
今日睇到"養陰丸"比我睇一個網址..
旺角虐貓事件簿點解D人可以咁架...!!!我唔識講呀..睇到隻貓咁樣..我個心好酸羅..!!唔通流浪貓..就唔係動物咩..佢地已經要過住一d流離浪盪既日子架啦...重要咁樣對待佢地!!好玩咩..睇到d貓仔痛苦既樣..好心涼咩...!!!有無人性架..(嗚~~)!!希望快d捉到呢個咁變態既人呀..!!!如果有"狗頭閘"...就一於閘~~~~~閘~~~~死佢..!!哼..!!
無人響到..真係幾悶架..!!雖然係有野做..但都同唔多羅..!!到左晏晝..我地就響到"燒碟"..!!之不過呢..我地就一路燒..就一路..玩d心理測驗...!!!咁樣都玩左十幾重..!!!都發覺幾好玩既..!!!我有唸過..遲d就將呢d問題..post黎..等大家玩下..!!哈..!!!
展覽會..!!(唔駛去呀..!!yeah..)
好野..今日係展覽會既第一日呀..!!!實情最開心係..我..因為佢地唔駛我去..好~~真係好難得..!!!都話架啦..!!"主動"..係唔受理架啦..!!(我下次都要係咁先..!!)而至於大陸果班所謂既同事..!!佢地咪去下展覽會..行下..企下..咁就去shopping啦..!!佢地星期六重可以去"迪士尼"添呀..!!實在令到我地公司d人..都心感不滿..!!唉..算啦.."去迪士尼做定準備..呢班阿燦至識屈你"..!!!哈..!!
而又由於唔梗駛去展..所以今日響公司都可以好自由...自由到有野都唔係幾想去做..!!!你話係咪衰呀..!!唔得自覺..唔係啦..聽日都係..努力d..唔好咁心散啦..!!!
呢一個片段好鬼攪笑架...!!
馬騮玩老虎真係勁抵死..!!!隻馬騮係咁飛黎飛去..去攪隻老虎..!!真係笑鬼死..!!
鳴謝"養陰丸"提供此片...!!!
唉....又要返工啦..!!
今日都唔知攪鬼.."雞包仔"又發癲啦..!!!好心啦..."魔鬼"又係既...!!!買返d咩"靜心"呀..."太太"...果d野比佢飲啦..!!!等佢平靜下個心情嗎..!!!又唔知佢..個心情好似d"恒生指數"咁..!!!尤其..次次呢個展覽會..佢都會懶緊張咁..!!!咩都攬哂上身..然之後...唉~~~唔講啦..!! -_-'
本來今日"軟綿綿"要返工架..!!不過..我地又夾埋玩佢地(咁本身佢又唔舒適啦)..!!唔返..反正呢幾日都展覽會啦..都無人響公司架啦..!!!佢又無"木台"..又無機..!!!返黎又咪係白坐..!!!哈~~
今日"漫畫肥仔"上左黎啦..!!!好開心呀..!!又見到佢啦...!!放左工之後..我就上左去..佢間"漫畫屋"到...攝時間啦..!!!!佢重整左d"角螺"比我食添呀..!!!yeah~~~不過...佢叫我睇住煲野..而佢就落去買野啦..!!點知...出事啦..滾到一地都係啦..!!!鳴~~~要做"阿信"..幫佢抹地啦..!!!
又放假啦..!!!
今日..我入左屯門..去搵"型仔"....!!上到去..佢重訓緊覺喎..!!!
晏晝..佢就同左我去"置樂"食..辣粉仔..!!!我就食..腸粉..同燒賣...好味~~~ ^o^!!然之後..我地就去左買VCD..買左"千杯不醉"睇..!!!都係一般..好睇啦..!!!楊千樺都係一般咁大癲大肺..!!!但係吳彥祖..都係咁靚仔...真係無計..!!!哈~~
今晚..我就響到食飯....!!幾攪笑呀..!!!"jan jan"響廁所出黎..我坐左響到..!!!佢居然好似見唔到我咁..!!直行直過...入房..(死啦..唔通佢睇我到..又唔通我唔係人..咁驚~~)!!!跟住..佢再行返後...佢先見到我..!!重話.."以..原來你響到呀..!!"啋~~撞鬼咩..!!@~@
聽日.."型仔"返工啦...!!!希望佢每一日工作都開開心心啦.!!!^o^
繼續工作..!!
今日..都係咁啦...!!!放工之後..都係咁樣去趕去...織我件"溫暖牌"...好開心呀..!!我已經起埋個袖啦..!!!就黎可以完成我件作品啦..!!yeah....
"型仔"打比我..話比我知..佢聽日放假呀..!!!yeah..我又可以見到佢啦...!!無計啦..都唔知道.星期日有無得見...!!!唉~~~
休息日..!!
琴晚燒完野食...傾下計...休息下..!!!咁攪一攪都成兩點幾啦..!!!所以今日都係休息下咁啦..!!!
同左"型仔"返左屋企之後..!!!就再同佢去屯門市廣場..既"新地"開返張電話卡...!!!之後..就去左"吉朱島"同買野食
返屋企煮...!!!今晚我整左
"海鮮煲"呀...!!!yeah....!!嘩..但係排隊比錢..就慘啦...排得死咁耐先可以比錢..!!返到屋企...都成七點幾啦..!!咪拿拿聲..整落野羅..!!
好開心呀..!!!"型仔"聽日返工啦..!!!yeah....
重可以同佢以前d老友..一齊做野添..幾好呀..!!
唔知呢..前兩日我覺得佢好似有d擔心架..!!!因為佢好少會訓唔著架..!!!不過..以家佢知道有工返...!!好似開心左...!!咁我都放心哂...!!!!
希望佢..聽日返工一切順順利利啦...!!!
星期六..好節目..!!
yeah...半日呀...半日呀...真係"半日仙"呀..!!!
今日放工之後..我又去做織女啦...!!!然之後..就會joint埋.."型仔"...因為佢會去車房整車..!!!今晚好野呀...!!!我屋企BBQ呀...!!!"朱媽媽"果兩個女都會去架...(即係.."大爬地"..同"小爬地"同埋"四眼仔")呀..!!!哈..又有"型仔"啦.."阿SA"啦.."阿嬌"啦..."阿神"啦...!!唔知重有咩人會黎呢..!!希望.."女人仔"同"軟綿綿"都會黎啦..!!
今日.."軟綿綿"話比我知..佢下星期三會回巢..返黎做啦..!!點講呢..都係果句啦..作為朋友..我係會"絕食"抗議..極力反對...!!!但不過...如果你..真真正正係決定左..就唔好後悔...!!!亦係因為你已經決定左..咁我都會支持你...!!!無論日後係點...你記住..你係用咩心態返呢份工...知道嗎..!!
開心..!!
今日..雖然係眼訓一d..!!但都唔知點解..心情都唔係太差....!!!或者唔係太忙既關係啦...!!!今晚放工..又要趕住做"織女"啦..!!好緊張呀...越近..埋尾..就越緊張呀..!!!唔知會唔會織左長短袖呢..!!至於d砌圖...全部砌哂啦...!!!攪掂哂啦..!!!
琴晚.."型仔"打比我..話星期一..有工返啦..!!!真係快過打針呀...!!!我都重未開好始習慣佢唔做車..咁快就話返裝修啦..!!唔知緊唔緊張呢..!!!我好"鄧"佢緊張架..!!!唔知會唔會太耐無做..唔習慣..唔熟手..."線"灰.."線"到斜哂...油油..就油到出哂界..架..!!!哈..哈..型仔..努力啦..!!
今日睇到達達...既日記呀...!!!好靚呀..."沙灘貓"..!!!佢地就慘啦..由朝早..影到黃昏..!!真係笑到牙"較"都痺哂呀..!!!不過唔緊要...最緊要靚之嘛...!!我知道佢地呢排好忙..好多野要攪架啦..!!所以我都好耐心咁等待....等待同佢地去食飯...!!!最衰啦...佢地月尾又話要走o勒..!!!好似琴晚佢打比我...係咁問我幾時..幾時到我...!!!唉..我又真係唔知喎...!!達達..我知道你關心我...!!但有d野..急唔黎架..!!!"隨緣"啦..!!
特別消息....!!!!
哈..都唔知點解...琴日放左學之後..居然收到咁多"特別消息"...!!!
第一件...當事人係.."型仔"啦..!!!佢話比我知佢唔做啦..!!做左三年...辛苦唔在講..公司政策唔好..人事關係唔好..!!咁呢樣所都會明白..!!亦好理解...!!咁講..只要佢開心..我會支持佢...!!!反正..做裝修係佢專長...我都唔覺得有咩大問題...!!!不過..話雖如此...我亦都有擔心過...見面既日子..會唔會少左呢...隨時..連星期日都要返架喎..咁我點呢...!!!不過..是旦啦...!!!!都係果句啦..只要佢係開心既...你想點就點啦...!!!
第二件...當事人係.."軟綿綿"啦...!!佢琴晚打比我..話比我知佢..好似有d野..!!!因為...某樣事啦...!!所以佢都會想..回巢..返黎做..!!等佢有d寄託...有d勢藝...唔好"胡思亂想"...唸d"切實際"既野..其實..呢個都算係"人生交叉點"黎架...!!!無人可以幫到佢..就只有佢自己...!!!其實都會擔心佢架...但呢d野又真係好睇佢自己本人..!!
傻妹..放鬆d...輕鬆d...!!太緊張...太擔心..對件事都唔會有幫助..!!明嗎..
話下今日啦...好眼訓呀...琴晚咁樣傾一傾..又兩點...!!!好啦..今晚一於早d訓先..!!!
好眼訓呀..!!!
琴晚同左"軟綿綿"傾左一晚電話...由十二點幾傾到兩點幾...!!!真係眼訓死呀...!!!而話題都不外乎係..回唔回巢..企唔企硬..咁啦..!!不過..佢有唔開心呀..因為佢隻狗檢到有"心臟病"呀..!!!因為呢個病係唔會好架啦...!!!唔..雖然以家係輕微..但唔知道幾時會去到嚴重既地步..!!!所以佢都好擔心羅...!!!佢個傻妹..一聽到就喊哂啦..!!!唉...!!明白你既心情..我亦都經歷過...希望你會睇開d啦...!!不過..我都係講句啦...!!!寵物既病情都好睇個主人既情緒...如果你唔好好控制一下..咁樣對"叮噹"都唔會係好羅..!!!記住呀..唔好當佢係"病人"..!!將d葯當"維他命"..!!比佢開開心心咁過埋佢餘下既日子..!!!咁樣..對你..對"叮噹"..都會開心羅...!!!
今日出書啦...忙死啦..!!!今日都唔知"雞包仔"都唔知食錯咩葯..!!個個都比佢話...
!!"朱媽媽"係又傻既..!!做咩要答佢咀呢...!!!佢講左成個鐘..我都唔理佢..!!!你又做咩...攪起佢把火呢..!!!唉..羅黎嬲既..!!! 由於今晚要返學..咁咪響公司等時間羅...!!響呢個時候..又睇到個網..個flash動畫幾得意..!!所以就介紹下比大家睇o勒..!!
好可愛Egg Song
擔心...!!
今日又話比人地聽晏少少會有書返啦..!!!咁我地咪響到等羅..(等..寂寞到夜深~~~)不過..一等就七點幾羅...!!!chur~~~咁就唔係叫"晏d"而係叫"夜d"啦...!!!經過我地車輪式作戰...終於響半個鐘攪掂左300本...!!!勁快~~~
唉..無啦..重話去織野喎..!!!下次啦..!!!
"達達"終於打比我啦...!!!今次返黎都好忙呀...!!不過..佢已經買左結婚介子...星期四重會去影相...!!希望快d可以見到佢啦...!!!因為我好想見到"沙灘貓"呀..!!!
今日..."型仔"好晏先打電話返比我...!!!原來佢"柯"左成晚...!!唔知佢咩事呢...!!!佢睇完醫生之後...醫生話佢"腸胃炎"...!!!咁佢就休息左成日啦..!!!夜d佢打比我..留言比我...!!聽到佢把聲..唉...點講呢..
"傻瓜"
返工啦..!!
返工啦...返工啦...!!!係咁易慶祝左個咁既國慶....放左兩日咁既假..放到個心都"創"哂...!!!居然...咩都唔想做呀..你話幾大件事呀..!!!不過咁...我就響呢個百忙之中..偷出少少"閑"...!!!就玩左個小遊戲...!!!都幾好玩咁啦...!!!!不過...要用少少腦啦..(如果你本身已經係遊魂..或者根本無帶個靈魂呢..咁我唸你唔好玩啦..!!)!!!
餐桌排位簡介: 大概係要將d 人(card)排到同兩邊既人岩傾(顏色), 個人就會笑, 要排到全個畫面既人都笑就過關, 詳情睇個game入面既說明
放左工之後..好趕呀..!!!趕住去做"織女"嗎..!!!我以家都差唔多啦..只係重有兩隻袖未織o者..!!死啦..天氣又話開始凍o勒..!!唔知織唔織得起呢..!!但都重好急呀...!!因為重要趕住返屋企砌埋幅砌圖嗎...!!真係好倦呀...
睇左啦..睇左啦..!!!
今日等隻"懶鬼"起身..都成兩點幾啦..!!!咁我地就去左睇一套..我自己好想睇既戲o勒..!!!
呢套戲呀..點講呢..!!!其他人睇可能會覺得悶...!!不過..我就反而覺得幾好睇...!!!如果比睇discovery呢..!!咁佢就攪笑d...生動d..!!!或者因為有"陳奕迅"同"阿sa"配音啦...!!!而某d位..我會覺得好慘羅...!!!例如..當企鵝要將隻蛋交比對方..如果一個唔小心既話.."碌"左出去..咁隻蛋就即刻..結冰..!!睇住一對初為人父母既企鵝..兩個無言以對..真係好心酸架...!!又或者...成功孵化..成功出世啦..又唔一定養得大架喎..!!
以下係呢套戲既小劇影...!!
國慶日..唱......K..??
今日好開心呀...!!YEAH...
"型仔"11點鐘黎接我...!!咁佢泊好左車之後..我地就搭車出去APM..!!今日同"阿神"、"女人仔"、"軟綿綿"一齊唱K...!!!哈..哈..!!咁又估唔到喎...!!"型仔"唱歌都幾好聽...!!果然係"粵港澳張學友"..!!哈..(佢自己話架..!!)!!至於"女人仔"..!!唉..真係呀..佢又話比我聽黎緊..響附近...點知成個鐘都未到..(唔通盪失路)!!但佢黎到都無唱到幾多首歌..咁我地就要走啦..!!!不過..佢話我知佢唔係幾舒適..咁為有下次再去過啦..!!!
我地唱完K之後..就去左"赤丸製麵所"食烏冬..!!好味呀..!!我都話架啦..我係會帶"型仔"去試架啦...!!連佢都話好呀..D烏冬好彈牙呀..!!YEAH~~~~
之後..就去左..睇波鞋啦..!!然之後..就各散啦..!!咁我同"型仔"就返屋企啦..!!佢響到食飯嗎..!!好呀..因為佢好耐都無響我屋企食過飯啦..!!咁到左佢地返黎咪開餐羅...!!
我同"型仔"..今晚..睇"三更2"...其實都無睇哂一隻碟架...!!!因為實在..太...悶啦..!!!大家都應該知道...佢係三個故仔黎架啦..!!!我只係睇左日本..同香港果兩個故仔..咁我地就唔睇啦..!!!真係悶到訓著...!!所以算啦...閂機....收工..訓覺...!!!
"型仔"..GOOD NIGHT..!!!
...OH...第一次我..說愛你的時候...
