殘酷一"叮"...!!
今日都唔知做咩..!!!一起身就頭痛(其實琴晚都開始痛架啦..!!)....又肚痛...!!!!慘呀!!!返到公司..都無咩心機...!!!所以連.."雞包仔"同我講既野..都唔想聽...!!!淨係想佢快d講完就返埋位坐..!!!唔想講野...!!!咩都唔想講~~
食完晏...我就當然係去print地址啦..!!!每個月尾..我都係做咩樣架啦..!!一去到"4號廢墟"..!!咁見到缸魚..咪唸住..餵下佢地羅(自從呢個室無人之後..都無咩人會入黎餵佢地啦..!!)..!!!點知一睇...!!嘩..咩事呀...!!!成缸d水都污濁到係..黃色架..!!裡面除左"鯊魚"重好似好生猛咁之外....兩條大"枇杷"..無哂生氣...!!!而其餘果d不知名既魚仔...都有幾條變哂"下午茶"...而條"大肚金魚"..就變左"晚餐 / 宵夜"...!!好恐怖呀...!!於是乎..我當然去求救啦...!!!有"命案"嗎..!!!咁我就叫左"阿嬌"同"軟綿綿"黎啦..!!我地三個就夾手夾腳咁..換水啦..!!而我呢..就洗個濾水器啦..!!!嘩..真係想嘔呀..!!!成個都唔可以叫"濾水器"呀..叫"化糞池"就差唔多呀..!!!連d"綿"都滑哂咁...幾咁核突呀..!!!後來..我重發現..缸魚可能係無氣呀..因為條氣喉比個濾水器壓住左呀..!!!所以我唸一來d水又污穢...二來又無氣..d魚唔"叮"都唔得啦..!!咁我地見呢缸魚又成日無人理..咁我地咪將d"假水草"羅走哂啦...!!重連d石山都羅走埋...!!嘩~~真係唔羅由自何...一羅真係不得了呀..!!!原來兩條魚分別咁死左響石山既裡面...!!!重係唔知死左幾耐...!!!真係..唉...!!!攪左成個幾兩個鐘...終於都...可以接受啦...(因為個魚缸底重有好多"魚屎"呀..!!)!!不過..我地都做左d唔係幾好既野架..!!我地將某d不知名既魚仔...放生左去..."廁所"呀..!!雖然..唔知道佢地出到大坑渠重會唔會有命..但我地唸..重好過佢響呢到呀...!!!
其實..如果無時間理..就放棄左就算啦..佢地可以拎去公園d魚池到..放生架!!!我唔想下次再入去..又再見到有魚仔死呀..!!好殘忍...好慘架..嗎..!!
又到另一個"MONYA"既故仔啦..!!!第六集
posted by 傻瓜鴨sonson at
6:25 下午
0 comment(s):
Post a comment
<< Home